Prome Minister ta mira cu e placa di Citgo lo no drenta mas

0
783

Por a scucha e ex mandatario cu tabata envolvi cu Citgo. E ta bisa por ehempel cu na December e 50 of ta 70 miyon mester wordo paga. Prome Minister Evelyn Wever-Croes a splica cu nan tambe ta conta riba e miyonnan ey di Citgo, cual nan a bisa di tempo cu nan a cuminsa cu formacion. Awo mas y mas ta bira mas cla, cu e placa ey no ta bay drenta mas.

Upsize Earn Points and Win
WEB
Banco di Caribe

E ta un suma cu Refineria di Aruba tin cu paga na Gobierno. RdA no tin e placa ey pa paga na Gobierno. RdA kier a bay fia placa pa paga Gobierno. E fiansa tabata andando. Pero na momento cu top di Citgo a wordo deteni, e fiansa ta para. RdA por fia placa, pero con RdA ta bay paga bek. RdA ta bay paga bek solamente si e refineria ta draai. Si e refineria no ta draai, e no por paga e placa bek. Y banco ta bisa cu si e refineria draai, ta Citgo tin cu draai. Citgo su top a wordo deteni y cu un top di un compania asina grandi deteni awor aki, no tin un banco cu lo bay duna e fiansa. Esey ta e motibo pakico awo e placa ey no ta drentando y ta haci e buraco financiero mas grandi.

E deficit, a base di djis operacion tabata 50 miyon florin. Ta bin e ora acerca 50 pa 70 di Citgo, cu ta algo cu ningun hende por a premira. Pero cu ta un situacion sumamente delicado cu ta aden.

Bishita di Prome Minister cerca Gobernador

Posted by 24ora on Tuesday, December 5, 2017

Trabaonan ta para?

Wever-Croes ta na altura kico ta pasando cu Citgo. No ta tur cos por comenta facilmente riba dje. Pero akinan mes RdA ta haci e trabao supervisorio pa Gobierno. Citgo ta cumpliendo cu algun di e trabaonan cu semper nan a bisa cu nan ta haciendo, mas lowprofile. Nan tin trahado tur dia. Tin hende ta trahando, pero no hopi. E trabaonan ey no a para door cu e top a wordo deteni, pero ta yega un momento si cu tin cu bay sinta cu nan y esey den e dianan aki ta haciendo un assessment pa mira con hopi por conta riba Citgo pa otro aña.

Comments

comments