Palo di luz victima un biaha mas di hit & run

0
252

Den careda di 3’or di marduga, melding a drenta cu un auto lo a ranca un palo di luz na Savaneta. Polis di biaha a bay na e sitio, pero ora cu nan a yega, no tabata tin ningun hende.

Upsize Earn Points and Win
WEB
Banco di Caribe

Solamente e palo di luz cu tabata saca for di su luga ta colga. Elmar tambe a wordo poni na altura, pa bin atende cu esaki. Esaki ta un di e tantisimo biaha cu conductornan, sea na soño of bao di influencia, ta hera caminda y ta mik riba palonan di luz. Esaki, manera cu den un ocasion director di Elmar a yega di bisa, ta un gasto enorme y si e chauffeur wordo haya, e tin cu cubri e gastonan. Tambe ta un hecho cu apesar cu e ley a drenta na vigor cu bo no mag di bandona e sitio di accidente, mas y mas nos ta riparando cu chauffeurnan ta play superman y ta baha na catuna, manera cu nan a wak cu nan ta e causante di e accidente, manera den e caso aki. Ta di spera cu e chauffeur aki recapacita y entrega su mes na warda di polis, pa asina e duna cuenta di su actonan.

Comments

comments