Minister Croes: Pa falta di personal ta atende casonan Redflag so

0
165

Hopi biaha por tende cu ta meld casonan di abuso na instancianan, pero probablemente pasobra, despues ora di trabao of ta cierto orario, e team no ta uni mas e momento ey. Esaki ta criticanan cu ta bin. Segun minister Glenbert Croes, di loke e tin di compronde, door di e falta di personal di por ehempel Bureau Sostenemi, nan ta atende loke ta Redflag, urgencianan di lo mas grave cu por. Pero e realidad ta cu den cuestion di minuut, algo cu no tabata redflag a bira redflag. Den caso di violencia, cualkier minuut por pasa cu un hende su cabes a flip, el a actua, el a abusa, el a mata y ora bo tin algo cu kisas no tabata urgencia, inmediatamente ta bira urgencia. Si kier atende problema di abuso, combati problema di abuso, no solamente mester ta cla pa ricibi melding, pero tambe responde na tur melding. Actua, interveni, protehe nos hendenan.

Upsize Earn Points and Win
WEB
Banco di Caribe

Den cuadro di esey tambe, cu Ministerio Publico, Ministerio di Husticia, tin un tremendo cooperacion, pa asina sigura cu tambe e brasa di husticia, e brasa di proteccion, funciona den bon cooperacion cu tur e brasa social, e brasa riba tur otro tereno, pa por actua y combati e tema aki.

Un problema grandi cu mester un accion grandi. Ta realisa cu den 17 dia di Gobierno, a toca nan enfrenta e menasa grandi aki social pa nos pais. Hendenan ta yam’e un epidemia nacional. E ta un cancer cu nos mester combati feros, sino e ta gana nos. Pero ta compromete cu nan compromiso y dedicacion, empeño di trabao pa bay combati e cancer aki pa salba y sanea Aruba su alma di e plageo aki di loke ta abuso contra mucha, hoben, famianan, tata y mamanan y nosgrandinan.

Bishita di Minister di Asunto nan Social y Labor cerca Gobernador

Posted by 24ora on Tuesday, December 5, 2017

Siguiente reunion

Minister Glenbert Croes a splica cu a cuminsa cu e siguiente reunionnan caba. Di su banda e lo percura pa mantene contacto cu nan. Prome cu fin di e luna, mester tin e prome raportahe di proposicionnan, presupuesto pa loke ta trata e departamentonan di gobierno y pa loke ta trata e sector social cu mester complementa e trabao di gobierno, pa fin di Januari. Gobierno lo pone su atencion tur dia. Como minister, e tema aki lo bay ta central pa loke ta e tema cu ta bay marca e gestion pa e proximo 4 añanan aki. Pero no solamente di su banda, pero di henter e gobierno y tambe pa nos pueblo.

Comments

comments