Lotto ta felicita Aruba Volleyball Association cu nan campeonato 2017

0
102

Den e weekend tras di lomba e campeonato di volleyball organisa pa Aruba Volleyball Association a yega su final cu un biaha mas Pova Volleyball y Venum como e campeonnan den Dama y Cabayero A-klas.

Upsize Earn Points and Win
WEB
Banco di Caribe

Den e categoria U16 tambe a hunga e gran final unda Britannia ta logra gana Gazelles tur dos dia pa asina titula campeon den e division aki. Pa loke ta e divisionnan di Dama y Cabayero A-klas e biaha aki cosnan no a bay facil den ambos categoria. Tanto Venum den e division di cabayero como Pova den e division di dama mester a lucha duro pa por a logra prolonga nan titulo campeonil.

Diabierna den e prome wega di final, Pova a bin dicidi y ta logra gana CBN Noord cu e score di 3 – 0. Sinembargo diasabra anochi CBN Noord a bin por la goma y ta logra gana un set di Pova cu pa hopi tempo ta domina e deporte di volleyball den e categoria dama. Pero asina mes e ekipo guia pa Irald Phelipa ta logra recupera y ta gana e dos siguiente setnan y bay cu e titulo campeonil. Den e division di cabayero esaki tabata mas emocionante mirando cu den e prome wega di final diabierna anochi, Venum a gana cu e setnan di 3 – 2 for di La Fama Spartans cu un tempo a domina volleyball pa hopi aña na Aruba. Diasabra La Fama bou guia di Elmerlindo Robles de Medina a sali bon ganando e prome set, pero e muchanan di Venum bou guia di Errol Irausquin a demostra pakico nan ta e mihonan actualmente den e deporte aki y ta gana e siguiente tres setnan sigui pa asina prolonga nan titulo.

Na final sra. Mena Curiel di Aruba Volleyball Association y sra. Cheddy Lopez Henriquez na e campeonato di volleyball ta dedica a parti e trofeonan pa e respectivo campeonnan. Lotto, e loteria di Aruba kier a manda un palabra di pabien na Britannia, Venum y Pova cu nan titulo di campeon como tambe Gazelles, La Fama Spartans y CBN Noord cu nan titulo di sub-campeon. Tambe mas cu claro kier a felicita e federacion di volleyball cu nan campeonato 2017.

Un danki sigur na Lotto, e Loteria di Aruba pa medio di St. Sportsubsidie Aruba cu a subsidia e e campeonato 2017 di Aruba Volleyball Association.

Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e St. Sportsubsidie Aruba.

Comments

comments