Drechamento di misa na Dakota ta andando hopi bon

0
183

Drechamento di Iglesia Fatima na Dakota ta den full swing. Pader Daniel Szpila ta encarga cu e parokia di Dakota.

Upsize Earn Points and Win
WEB
Banco di Caribe

Manera ta conoci, pa algun tempo caba e trabaonan a cuminsa pa renobacion di un parokia cu tin decadanan cu no a haya un mantencion grandi. Awe, nos ta tey pa wak con leu nan ta. Nos ta yegando na un temporada importante pa fin di aña, cual ta e misanan di Aurora y cu naturalmente marduga lo bay tin misa. Kier sa con leu e trabaonan ta. Pader Daniel Szpila a splica con leu ta cu su parokia di Dakota.

El a splica cu e trabao ta andando hopi bon. E contratista ta haciendo tur su esfuerso pa conclui mas pronto posibel. E parti esencial di trabao ta cla caba. Awor aki ta djis falta e plafond, falta verf un poco. Falta un poco haci e lijshinan di bentana limpi. Tin speransa pa celebra Pasco den misa renoba.

Misa completamente renoba ta kedando cla

Misa completamente renoba ta kedando cla

Posted by 24ora on Tuesday, December 5, 2017

Cambio

Por mira hopi cos den e misa. Segun pader Szpila, e esfuerso mas grandi tabata dak. Di e dak bieu no a sobra nada. E dak nobo tin planchinan moderno, den forma di sandwisch cu paden tin foam cu ta isola e calor di solo. E ta permiti pa e misa keda fresco. Despues tambe kier instala airco. Den e ultimo añanan, e tempo di calor ta casi insoportabel. Tabata tin casonan cu hendenan tabata cay flauw, incluso durante celebracion. E Airconan lo duna cierto comfort pa participa den celebracion trankil, sin ansha, pa scucha palabra di Dios cu mas atencion.

16 di December

E intencion y deseo ta pa cuminsa cu prome dia di Aurora, pero esaki ta keda na nivel ainda di speransa, di intencion, di deseo. Pero no ta sigur ainda. Locual ta sigur, segun Pader Szpila, cu dia di pasco lo celebra den e misa renoba.

Trabaonan

E trabaonan ta sigui den fin di siman, hasta riba diasabra e contratista ta trahando. Ta mira realmente esfuersonan y boluntad pa conclui esaki prome cu vakantie di December.

 

Comments

comments