Amsterdam ta unda bo kier bin studia otro aña?

0
332

Studiante cu ta pensa di bin studia na Hulanda, na Amsterdam, Diemen, Almere y Haarlem: tene na cuenta cu tur posibilidad, ya cu ta hopi dificil pa haña un camber comodo y pagabel den y pafo di Amsterdam.

Upsize Earn Points and Win
WEB
Banco di Caribe

Den e region di Amsterdam tur aña tin un escases di camber y tin un lista di espera di mas cu 500 studiante. Pues, inscribi bo mes pa vivienda ta crucial. No cu esaki lo dunabo garantia pa haña un camber adecua, pero sín esaki bo ta duna bo mes casi garantia di no logra haña algo adecua. E informacion aki ta di mentor Edy Ranada, cu pa añanan ta mentor pa Amsterdam y ta bon ta altura di e situacion den region di Amsterdam. Pues si bo kier bai studia na Amsterdam, Diemen, Almere y Haarlem bo por registra bo mes na diferente websites. Tin website especial pa studiante cu prijs rasonabel y tambe tin websites priva cu prijsnan hopi halto pa luna. Pa informa bo mes en general subi e website www.studentenwoningweb.nl Websites cu ta pagabel pa studiante ta e tres adresnan di corporacionnan di vivienda menciona
aki bou, cu ta
www.duwo.nl
www.dekey.nl
www.ymere.nl
Aki ta sigi algun corporacion priva cu tambe ta ofrece camber pa studiantenan E prijsnan di e cambernan of studio den sector priva ta mas halto. E prijs di huur ta varia entre €525 – €650 pa luna. www.campusdiemenzuid.nl/contact www.hicondo.nl/contact/ www.studentexperience.nl/contact www.heddes.nl
Tambe bo por haña un camber via website nan regular di Amsterdam ( E cambernan no ta
barata!) www.kamernet.nl/Amsterdam www.woningnetregioamsterdam.nl

Studiementor Edy Ranada ta enfatisa: ‘Pa hisa bo chensnan pa haya un camber bon y  ‘pagabel’ na den region di Amsterdam ta bon pa bo cumpli cu e siguiente rekisitonan. Mester cuminsa na inscribi na tempo. Tambe mi ta conseha e studiante pa inscribi su mes na  diferente website. Keda vigilante (proactivo) y controla bo inscripcion (‘inschrijving’) regularmente.’ Pa mas informacion por tuma contacto cu mentor Edy Ranada via email:
[email protected] of via WhatsApp 0031651329489.

Comments

comments