Situashon di tráfiko peligroso den e area di Santa Helena

0
136

Resientemente por a tuma nota ku e ministerio di VVRP a laga drecha e drèmpelnan na altura di vários skol aki na Kòrsou. Esaki sigur ta algu di apresiá.

Upsize Earn Points and Win
WEB
Banco di Caribe

Despues di a risibí vários yamada di personanan ku ta trafiká hopi den e area Pabou di brùg òf ku tin yu(nan) ta bai skol sea na Maria College òf MIL, mi a bai wak e situashon i a konkluí ku bèrdat mester hasi algu pa ku e siguridat di e hóbennan ku ta bai un di e skolnan ei. Atenshon speshal pa e situashon no dilanti e skol mes pero dilanti di e panaderia riba kaminda Wegnaar Welgelegen. Ta konosí ku un grupo grandi di mucha tin ku krusa kaya pa kue bus na e otro banda di kaminda.
Outonan ku ta bini for di tur dos direkshon ta pasa dilanti di e panaderia riba spit hopi haltu. Tin biaha por nota ku tin shofùr ta para pa duna chèns pa un òf mas hóben krusa i sa sosodé ku e outo ku ta bin den un otro ban tin ku skuer un brek fuerte ora e nota ku tin mucha krusando.

Relashoná ku esaki parlamentario pa frakshon di MAN srWimbert Hato a hasi minister di VVRP e siguiente pregunta nan pregunta pa Minister:

  1. E kehonan aki a yega serka sra minister tambe?
  2. Sra minister lo por duna instrukshon mas rápido posibel na sra su departamento konserní pa bai wak e situashon i bin ku un solushon mas rápido ku ta posibel pa e situashon aki?
  3. Den kuantu tempu sra minister ta kere por hasi e situashon un ku ta mas sigur pa e hóbennan ku ta bishita un di e skolnan ei?
  4. Kiko lo por hasi for di awor pa subi e siguridat di tráfiko na e sitio aki?
  5. Tin un maneho pa ku e siguridat dilanti di skolnan?

6.Kua ta e skolnan ku próksimamente lo subi e siguridat dilanti di nan porta?
 

Comments

comments