Dia 5 di desèmber tabata Dia Internashonal di Mama Tera

0
50
OLYMPUS DIGITAL CAMERA

Djamars dia 5 di desèmber tabata “Dia Internashonal di Mama Tera”. Minister di Salú, Medio Ambiente i Naturalesa, mr. Suzy Camelia- Römer, ta  pidi komunidat  pa reflehá riba i aportá na protekshon di mama tera. Riba e dia aki mundialmente  a duna atenshon spesial na mama tera i medio ambiente den su  diferente aspektonan. Tema di e aña aki ta “kuido di nos planeta ta kuminsá na tera”.  .

Upsize Earn Points and Win
WEB
Banco di Caribe

Relashoná ku e tema aki internashonalmente tur aktividat ta dirigí riba emishon di mensahenan ku e meta pa konsientisá pueblonan riba importansia di kalidat di tera komo faktor determinante pa seguridat alimentisio, un ekosistema sano i bienestar di hende. Un di e metanan prinsipal di minister ta pa promové, stimulá i invertí den nos propio produkshon di kuminda sano.
Mas ku 95% di tur kuminda pa hende ta keda produsí den tera. Pues tera ta un di e faktornan di mas importante pa eksistensia di hende i tur sobra organismo ku ta biba riba e mundu aki. Segun e Akuerdo di Gobernashon 2017-2021, minister Camelia- Römer lo hiba un maneho pa modernisá leinan riba tereno di medio ambiente, naturalesa, agrikultura i krio di bestia.  Tambe lo hasi investigashon sientífiko di nos yerbanan i matanan den kuadro di medisina alternativo i manehá nos mondinan di un forma sostenibel dor di kombatí sekura i degradashon di tera. Entre tantu ya a fortifiká e área di inspekshon i kontròl pa garantisá un mihó kuido di nos mama tera ku e introdukshon di e asina yama “X-team” ku ta un team multi disiplinario pa aktuá kontra esnan ku ta maltratá nos tera i medioambiente.

Djadumingu ku a pasa minister Camelia Römer a bishitá  algun hòfi na banda ariba  huntu ku su kolaboradornan. Esaki ta pa haña un mihó bista tokante di e retonan pa por atendé e maneho di tera, espesialmente naturalesa i agrikultura.

Comments

comments