Turismo di Boneiro tin un crecemento basta positivo

0
51

Maurice Adriaens ta director na oficina di turismo na Boneiro. El a splica cu nan tin un crecemento basta positivo y ta haci hopi esfuerso cu e tiki budget cu nan tin, pero ta mirando cu e tin su efectonan.

Upsize Earn Points and Win
WEB
Banco di Caribe

E hendenan cu ta bin Boneiro naturalmente ta gusta e producto cu tin pa ofrece, cu ta hopi biaha naturalesa, trankilidad y un bida bao di lama nunca bisto pa hopi hende. A mira esey den nan pasaheronan crucero cu a crece den tres aña di 120 pa 480 mil pa aña. E stayover tambe ta creciendo cu mas of menos 15% e aña aki te ainda. Den tur manera hopi positivo el a splica.

Promocion

Adriaens a splica cu promocion no ta facil. E limitacion naturalmente ta principalmente e budget, pero ta compitiendo cu islanan manera Corsou y Aruba, pero tambe cu otro islanan den Caribe, cu tin budgetnan mas fuerte. Boneiro tin e bentaha cu nan ta unico den nan sentidonan di un bida bao di lama, un naturalesa, un trankilidad y esey toch ta yuda pa haya hopi resultado di e tiki propaganda cu nan ta haciendo. Ta haci hopi uzo di tecnologia moderno, dus hopi cos ta bay via medionan digital y tambe hopi cos ta bay via bishitantenan di blog of vloggers cu ta bin cu su resultadonan te awor aki.

Con facil ta haya budget

E budget di oficina di turismo ta casi 100% Gobierno y esey ta limita. Naturalmente ta purba di traha hopi mas hunto cu sector priva tambe. No solamente hotelero, restaurant, etc, sino e sector completo pa pitch in cen pa haci mas tanto cos hunto pa e efectividad ta mas grandi y te ainda e bayendo bon.

Mercado principal

Segun Maurice Adriaens, e mercado principal ta Hulanda. Tin e bentaha cu tin combinacionnan di KLM cu Aruba y Corsou y Tui tambe cu ta bulando den combinacion Aruba cu Corsou y Boneiro, cu ta haci cu no tin cu yena avion completo, pero ta lift mee riba desaroyonan di e otro islanan ruman cu ta positivo.

Naturalmente for di Merca, e avion mester ta dedica pa Boneiro. Tin cu yena un avion completo y esey ta tuma un tiki mas esfuerso. Pero e focus riba Boneiro si ta awor aki e mercado Mericano. E ta un mercado hopi mas cerca di cas. Un vuelo di 3 pa 4 ora pa yega Boneiro. E potencial mas grandi ta den direccion di Merca, dus ta bay focus riba esey tambe.

Mercado Mericano

Nan tin Houston, Atlanta y Neward. Awor aki ta papiando cu American Airlines, cu por cuminsa bula otro aña for di Miami. Na Boneiro tin e gatewaynan grandi for di Merca, cual ta positivo. Limitacion ta cu tin hopi diver ta biniendo y nan ta keda un siman. Nan kier yega diasabra pa nan bay bek diasabra, pa prepara diadomingo pa bay traha dialuna, pero mester haya e vuelonan midweek pa por enfoca tambe riba leisure tourism, cu hopi biaha ta keda 3 pa 4 dia cu vakantie. Esey ta e focus cu tin awor aki, pa haya un vuelo di American, pero haya un vuelo extra den midweek.

Contacto cu aeropuerto

Tin bon contacto cu aeropuerto. Berdad awor aki ta creciendo, cual ta un necesidad pa aeropuerto tambe crece hunto cu e desaroyo turistico. E plannan tey riba mesa actualmente. Ta den un status basta avansa. Esey ta haci’e hunto cu Hulanda, cual ta yudando cu e parti ey cu ta mira toch pa otro aña cu e expansionnan ta cuminsa, pa por acapara mas tanto vuelo den futuro.

Plan pa 2018 ta cla

E plan pa 2018 ta casi cla. Naturalmente ta bezig cu su arkitectonan y companianan di construccion pa finalisa e ultimo detayenan di aeropuerto. Sigur pa 2018 e planning ta pa cuminsa cu construccion cu lo bin cla pa 1 aña y mey pa 2 aña for di awo.

Comments

comments