DIA INTERNASHONAL DI HIV/AIDS

0
48

Dia 1di desèmber ta Dia Mundial di HIV/AIDS. Tur aña atrobe nos ta duna atenshon na e dia aki pa keda konsientisá nos pueblo riba e retonan ku ta eksistí ainda den nos komunidat relashona ku e malesa di HIV/AIDS. E tema di 2017 ta: Subi e impakto dor di ta mas transparente, karga responsabilidat i traha huntu pa e kousa.

Upsize Earn Points and Win
WEB
Banco di Caribe

Na Kὸrsou nos a duna oido na esaki dor di traha huntu ku organisashonnan manera Famia Plania i tambeorganisashonnan boluntario manera Cura+ i FOKO ku ta sali na vanguardia di personanan vulnerabel den nos komunidat.

Fundashon Famia Plania komo sentro di informashon tokante seksualidat i salu reproduktivo  i planifikashon di famia, ta e úniko organisashon ku for di aña 1969 ta traha ku mandato di gobièrnu riba e área di seksualidat i salú reproduktivo. Famia Plania su mishon ta pa elevá seksualidat i salú reproduktivo i planifikashon di  famia  pa tur habitante di Kòrsou ku kier i ta hasi uso di su servisionan.

Famia Plania ku su amplio eksperensha riba tereno di seksualidat i salú reproduktivo ta duna hopi atenshon dor di duna informashon i edukashon tokante prevenshon di malesanan venériko i hiv/aids, uso korekto di kòndón (máskulino i fémenino).

Famia Plania ta konvensí ku pa redusí HIV/Aids  i  infekshon transmití seksualmente hóbennan mester di un bon edukashon seksual (sexuality education) pa ta alsa konosementu, trese kambio di mentalidat i komportashon di nos hóbennan di no tuma riesgonan innesesario ku nan kurpa i nan bida seksual.

Dia mundial di Aids 2017 su meta pe aña aki ta:“ Tur ku a yuda kombatí den e lucha kontra Aids, awor a yega e ora pa nos ban kaba kuné.

Den kuadro di esaki Famia Plania a hasi entrega di e sinta kòrá na Minister di Salú sra. Susanne Camelia Römer. E sinta kòrá  ta e símbolo di lucha kontra aids i nos tin un minister ku ta para tras di e lucha aki, segun sra Frans- Schoop di Famia Plania.

Atardi 6.30 Famia Plania lo ta na Sambil pa hesi entrega di e sinta kora nan tur nos deportistanan ku ta biba den eksterior.

Comments

comments