MetaCorp ta cla pa Paranda di Bochincha

0
336

Diasabra awo dia 25 di November 2017 lo tuma luga e famoso Paranda di Bochincha y manera ta custumber pa varios aña caba, MetaCorp lo forma parti di esaki en grande. MetaCorp lo ta bayendo cu 22 truck en total, consistiendo di 4 di EcoTech, 4 di ATCO Aruba, 5 di ATCO Concrete y 9 di Tropical Bottling.

Upsize Earn Points and Win
WEB
Banco di Caribe

“Un par di simannan atras nos a keda acerca pa forma parti di e Paranda di Bochincha e aña un biaha mas y cu mucho gusto nos a accepta e invitacion aki”, Andres Ras Operations Manager di EcoTech a duna di conoce. “Nos a hinca esaki di biaha den nos planningnan y avisa e chauffeurnan cu e aña aki Meta ta den dje atrobe.” Reno Tromp Driver di EcoTech, ta conta cu esaki lo ta su di 3 aña caba como chauffeur den e Paranda di Bochincha. Su supervisor acerca su persona prome biaha puntrando si e kier forma parti di Paranda di Bochincha. “Mi no tabata sa kico e ta y mi a dicidi di forma parti,” el a expresa. Asina aki el a mira cu esaki ta un parada cu ta core cu e muchanan special den e trucknan grandi y a gusta esaki masha hopi mes.

“E parada aki ta algo hopi great paso bo ta ripara cu e muchanan ta gosa masha hopi mes y nos mes ta gosa pa mira nan contento” el a remarca. METACORP MetaCorp ta existi desde aña 1920 caba den negoshi di cine. Cu apertura di Lago a cuminsa cu E. De Veer Transport cu awendia yama ATCO cu despues a expande tambe den ATCO Concrete Products y Ecotech. Despues di segunda guera mundial a cumpra e planta di Coca Cola y asina a inicia Tropical Bottling, cu na caminda a expande tambe den Brouwerij Nacional Balashi. MetaCorp ta e empresa comercial mas bieu na Aruba y pronto ta cumpli 100 aña. Cu un fundeshi solido, cu un cultura di compania basa riba principionan di inversionnan duradero y kere den empleadonan, MetaCorp awendia ta cla pa e siguiente 100 añanan di progreso, cu talentonan manera Eddie de Veer, Robert Carrasquero y Guus Slabbekoorn na cabes di e compania.

Comments

comments