Lotto ta felicita e organisadornan di e Baseball Aruba Coaches Clinic 2017

0
94

Den e fin di siman tras di lomba, e organisacion di Baseball Aruba hunto cu su  stakeholdersnan a organisa un clinica di baseball pa tur nos coachnan local cu ta traha den e deporte di baseball. Bou di un entusiasmo grandi cu alrededor di 60 coachnan local, e coaches clinic a inicia riba e prome dia cu un seminario na Paseo Herencia cu a conta cu participacion di invitadonan internacional for di Merca.

Upsize Earn Points and Win
WEB
Banco di Caribe

E cuater oradornan invita pa e seminario aki tabata Kainoa Correa (Universidad di Northern Colorado), Greg Short(BioPitch New Jersey), Hensley Meulens (ex-big leaguer di MLB, coach di SF Giants y Hulanda) y nos propio Eugene Kingsale(ex-big Leaguer di MLB).  Mester bisa riba ambos dia e coachnan di Aruba a haya un presentacion riba diferente topiconan interesante relaciona cu e baseball den su totalidad. Cada un di e oradornan invita kendenan ta un experto riba nan tereno, a elabora riba algun tarea specifico di baseball, manera maneho, bateo, toke di bala, coremento di base, entrenamento di infield, drills y pitcheo. E prome dia tabata mas bien e parti teoretico combina cu un presentacion powerpoint unda na final di cada session a hasi pregunta na e oradornan riba nan presentacion. Pa su majan diadomingo, e presentacion di e oradornan a bira uno mas practico unda nos coachnan a participa activamente na tur loke a wordo presenta. Notable ta cu algun hoben pelotero local a wordo usa pa hasi e diferente demostracionnan.

Pa nos coachnan, e dos dianan di e Baseball Aruba Coaches Clinic tabata uno fructifero unda a amplia e conocemento riba cada tereno specifico duna. E comentarionan tabata super positivo unda ya caba a pidi pa un ripiticion. Manera e legendario ex-pelotero di MLB, posedor di tres renchi di World Series y posibel futuro manager di New York Yankees, Hensley Meulens a bisa; “Tur dia bo ta sinja algo nobo, corda semper bo mester ta habri pa esaki. No kere bo sa tur cos, paso baseball tur anja tin cos nobo ta pasa. Ami mes a sinja masha hopi mes e dos dianan aki”. Lotto di su banda kier a felicita Baseball Aruba y su stakeholdersnan pa e tremendo iniciativa di bini cu un seminario pa nos coachnan local. Sigur por sigui conta cu e sosten di parti di Lotto pa Deporte cu ta ker den e desaroyo di no solamente no atletanan pero tambe nos coach y dirigentenan deportivo.

Comments

comments