Paul Croes a sali liber pero bao di cierto condicionnan

0
4090

Awe ministerio publico a pidi pa verlenging di detencion di Paul Croes, pero alabes hues comisario a schors e ciere den KIA.

Wendys
Banco di Caribe
WEB

Segun ex minister Paul Croes, tin cierto condicionnan mara na e libertad condicional. Manera tur otro sospechoso den e caso aki, pero Croes ta prefera pa su abogado papia riba e caso. Sr. Aparicio tambe a sali den libertad den e caso aki. Traumatico E 80 dianan aki tabata hopi duro pa Croes. E tabata traumatico. Naturalmente esnan cu a dun'e apoyo na e momentonan ey tabata e propio detenidonan, e  bewakernan den KIA cu tin cu bisa cu ta trahando den circunstancianan hopi dificil. Tambe e tabata tin comprension pa e director di e luga, di manera cu e luga mester di un renobacion urgente.

Pero tur esey lo bin den transcurso di e dianan nos dilanti. Croes a bisa cu ta un experiencia cu hamas y nunca a pensa di lo pasa aden. Solda pafo, solda paden, ta fuerte y finalmente ta contento di por tin e libertad na e forma aki. Mensahe Na comunidad di Aruba, Croes a gradici pa e sosten. Esnan cu a bin ricibie tambe na momento cu el a sali for di KIA, e ta gradici. Preparacion Awor aki ex minister Paul Croes ta bek cerca su hendenan y awo e ta bay prepara pa e caso cu lo bin muy probablemente otro aña, for di eynan e por bin cu un defensa.

Comments

comments