Nada di diesel fuel lo a bay den Bubali Plas

0
148

Daryl Lue, manager di e planta di DOW a splica cu e proceso di e planta ta uno biologico. Esaki ta encera cu e awa residual ta wordo trata door di diferente bacteria y cualkier substancia no biologico of kimico lo tin un efecto negativo riba e proceso aki.

Wendys
WEB
Banco di Caribe

Dos ora despues cu a ricibi e melding cu tin posibilidad cu tin dieselfuel den e sistema di riolering, a constata na planta cu tin holo fuerte biniendo for di un tanki. Aki tin diferente tipo di bacteria cu ta haci uzo di oxigeno pa asina por trata e awa contamina. Pa por limita esaki a tuma contacto cu nan partner local. Aki ta unda cu a bin cu un producto biologico certifica door di DNM, pa por combati e dieselfuel aki.

Kico e producto aki ta encera

E producto aki ta kibra e dieselfuel, na unda cu e bacterianan por consumi esaki. Durante e dos dianan aki, e efectivonan aki na planta, cu dia aden dia afo a trata e planta aki cu 165 gallon di e producto aki. Tin di bisa cu despues di haci diferente analisis, a bin encontra cu di berdad e producto aki a haci su trabao y cu por a haci algun test, hunto cu DNM y a constata cu den e Atank, unda cu e bacterianan ta, tin un nivel di oxigeno basta halto cu asina cu e bacterianan mes por consumi. Tambe tin di bisa cu den e Bubali Plas, DNM tambe a haci algun analisis y tambe a constata cu eyden tambe e oxigeno ta na un nivel halto.

Nada di dieselfuel lo a bay den Bubali Plas, segun Daryl Lue.

Unda a coy awa

Lue a splica cu awa na final di e proceso. Akinan ta unda cu ta bek den e berm. Akinan tur awa limpi ta wordo wanta prome cu e bay den Bubali Plas. Aki ta unda cu a haci analisis y tambe den e canal cu ta bayendo na Bubali Plas.

Droogbedden

Caminda cu truck a basha awa ta droogbedden. Nan ta concreto. Akinan e awa no por bay den e fondo, cu por contamina esaki. Esaki ta pakico a scoge eynan, door cu e ta di concreto.

Kico a haci caba

Loke a haci caba ta mescla cu santo y asina cu esaki lo evapora durante di e dianan cu ta bin door di e solo.

Contacto cu hospital

Segun Frank Benita di DOW, no a tuma contacto bek cu hospital pa mira e situacion, pero lo bay  haci esaki si. Lo yama nan pa un reunion pa loke ta e pregunta mes, ta dicon e sistema tabata conecta na e riolering. Awor aki tur cos a normalisa.

Resumen

Pa resumi DOW a saca nan vacuum trucks pa por combati mas tempran posibel e efecto di e diesel. A uza un producto biologico den nan sistema y tambe a buta oilboom na e canal di entre e parti final di e planta y Bubali Plas.

 

Comments

comments