Imsan lo bira un centro di cuido ambulatorio

0
161

Ora e proyecto di renobacion y expansion di Imsan ta cla, e aprobacion cu tin di e Gobierno anterior, hunto cu AZV, ta cu ta traha un centro di cuido ambulatorio, kiermen  dagbehandeling.

WEB
Banco di Caribe
Wendys

Ta bin mainta tempran, prome cu solo baha, bo tin cu ta bek na cas, segun director di Imsan, dr. Joel Rajnherc.

pashent cu no ta logra asina pa cualkier motibo, lo tin cu wordo transporta bek pa hospital dr. Horacio Oduber. Ta bay ta masha selectivo den e calidad di e pashent cu ta bay trata aki, pa percura pa no haya cu sorpresa.

Ki pensamento tin pa un di dos hospital

Segun dr. Rajnherc, sigur ta algo cu lo tin cu investiga kico lo ta e necesidad y e beneficionan di por tin un di dos entidad aki na San Nicolas. No mester ta un full blown cu full kisas un intensive care y tur esey, pero bo por pensa di un manera un shortstay, ta un di e posibilidadnan, pero si ta bon prome cu bay djis haci algo, bo haci un bon investigacion di kico ta e necesidadnan, cuanto cama di overnight lo tin mester y ki sorto di pashent bo lo sigui trata aki. Pero cu e ta un opcion, ta sigur cu mester sondea mas leu. Esey no mag wanta e desaroyonan cu ta den paso caba. Tin cu percura cu e prome fase di cualkier eindproject cu ta haci, mester ta awo e ampliacion, renobacion di Imsan, manera cu tin den e masterplan primario, cu esey ta primariamente radioterapia, trece cirugia eynan, mehora servicio di SEH, mehora servicio di saca potret, mehora servicio di wowo pa Aruba tin un perla di cuido na San Nicolas.

Duna servicio na pashentnan di exterior

Nos islanan ruman den Reino, tin necesidad di manda nan pashentnan afo pa radioterapia, pa Colombia y Corsou mes. E oportunidad tey pa brinda servicio di Imsan, na nos islanan ruman, vooral cu toch tin hopi cos hunto den nos cultura, cu nan ta mas cu welcome. No ta pa saca ganashi di nan, pero door di nan contribucion den e forma di pago pa nan tratamento, esey ta bay baha e cantidad di placa cu Imsan mester busca un biaha mas via AZV pa mantene su explotacion di instituto completo. E lo haci cu e gastonan medico cu tin eynan, no lo subi asina lihe manera e lo ta e caso si no ta trata pashentnan di afo y ta palabrando caba cu e hospital fundacion Maria Daal na Boneiro y a papia cu Minister Lee di gobierno anterior di St. Maarten. Ta lagando tur hende sa caba cu e oportunidad tey y cu ta bay brinda nan e servicio.

Comments

comments