Hoben Entrepreneur Arubiano ata bo chens

0
366

Recientemente Gevolmachtigd Minister di Aruba na Washington, DC, Sr. Andy Lee, tabata tin e placer di a topa y combersa cu Sr. Kawish Misier, un entrepreneur hoben di Aruba y kende ta e representante di Aruba pa cu e United States Department of State’s Young Leaders of the Americas Initiative (YLAI) Professional Fellows Program 2017 na USA.

Banco di Caribe
Wendys
WEB

Ta pa di dos anja consecutivo cu ta topa cu e representantenan di Aruba cu ta participa na e programa YLAI. E encuentronan aki ta forma parti di e programa tambe, pa asina duna e oportunidad di por tende for di participantenan mes con nan a experiencia e YLAI program. E biaha aki a amplia e encuentro cu e representantenan di Curacao y Sint Maarten y cu participacion tambe di Nixy Caraballo, stagiaire, y Angela Guiro, medewerker di Bureau GevMin Aruba na DC. YLAI Fellowship Program ta ser gesponsored door di Bureau of Education and Cultural Affairs di US
Department of State. Pa e programa di 2016 como tambe esun di 2017 a sponsor 250 young entrepreneurs di Latino America y Caribe pa bishita Merca pa un periodo di 5 siman y sigui un programa structura pa mentor e hobennan aki cu enfoque ariba desaroyo di nan entrepreneurial y leadership skills como tambe ariba mehoracion di nan operations plan. E programa di YLAI ta empower business y social entrepreneurs como tambe civil society leaders cu training, herment, networks y recursonan pa transforma nan comunidad y contribui na desaroyo economico y prosperidad.

Despues di completa nan fellowship na un organisacion anfitrion na un di e 24 diferente ciudadnan participante na Merca, tur e 250 participantenan di YLAI ta reuni na Washington,DC pa e conferencia final, caminda nan ta topa cu leaderan di gobierno y di business. A base di e bon experiencia di participantenan di Aruba na e 2016 y e 2017 YLAI Professional Fellows Program kier a trece e programa aki tambe bou di atencion di hobennan di Aruba. YLAI Fellowship Program ta programa exitoso cu ta aporta na desaroyo di hobennan den Latino America y Caribe cu e meta pa contribui na desaroyo di comunidad. Den nomber di Gobierno di Aruba Gevolmachtigd Minister di Aruba na Washington, DC kier a extende elogio y gratidud pa US Department of State pa cu e excellente Fellowship Program aki y pa contribui na desaroyo di young entrepreneurs di Latino America y Caribe en general y di Aruba en particular, cu e meta pa aporta na desaroyo di nos comunidad. Hoben entrepreneur Arubiano, ata bo oportunidad pa participa na un programa único! Pa mas informacion encuanto di YLAI program, por check e Facebook page Young Leaders of the Americas Initiative – YLAI.

Comments

comments