Fundacion 1403 a participa na Conferencia di e Asociacion di Museonan di Caribe

0
57

Recientemente a tuma lugar na Miami, Florida e di 28 conferencia di e ‘Museums Association of the Caribbean’ (MAC). Durante e conferencia aki drs. Eduard Dresscher, presidente di ‘Fundacion 1403’ a duna un presentacion hunto cu drs. Tibisay Sankatsing di e proyecto ‘Nexus 1492’ y Amanda Byer di Universidad di Leiden, tocante e proyecto internacional ‘Caribbean Ties’.

Wendys
Banco di Caribe
WEB

E proyecto aki ta encera e desaroyo y instalacion di un exposicion tocante herencia Indian y arqueologia di Caribe na Hulanda y na varios isla den Caribe y ciudadnan den Latino America na 2019. Fundacion 1403 a keda estableci na 2011 cu e proposito principal di ehecuta un proyecto di desaroya y presenta un exposicion tocante e herencia Indian di Caribe
na multiple localidad den regio y na Hulanda. Na 2012 a tene hunto cu Museo Arqueologico Nacional Aruba (NAMA) un ‘think-tank’ cu ‘stakeholders’ potencial pa planea e proyecto aki. Aña pasa a firma un MOU cu e proyecto ‘Nexus 1492’ di e ‘European Research Council’ pa hunto desaroya y presenta e exposicion aki den regio y na Hulanda.

E presentacion di e team di ‘Caribbean Ties’ na MAC a haya masha elogio di entre otro e presidente saliente di MAC esta Dr. Sherene Williamson , kende a comenta cu e tipo di colaboracionnan transnacional aki ta hustamente locual MAC ta boga p’e. ‘Fundacion 1403’ a keda elegi miembro di e Directiva di MAC na 2016 y e aña aki a invita otro partner local pa participa na e conferencia tambe. Lamentablemente no a logra participa cu un ‘Team Aruba’ manera tabata e deseo pero esey no ta mengua e entusiasmo y pasion di e miembronan di e Fundacion pa sigui haci tur esfuerzo pa otro aña mas profesional den e ramo di museo y herencia atende e conferencia di MAC.

Comments

comments