Ecotech lo bay contribui na limpiesa di Aruba na un forma special dia 25 di November proximo

0
207

 

Banco di Caribe
WEB
Wendys

Ecotech ta forma parti di limpiesa di Aruba. Julio Wever, kende ta traha den e departamento di Sales & Marketing di Ecotech, a splica cu dia 25 di November, Ecotech lo bay contribui na e limpiesa di Aruba. Siguramente kier concientisa henter pueblo di Aruba, con pa tene Aruba limpi. Pesey, dia 25 di 9’or di mainta pa 1’or di merdia, den cura di nan mesun facilidad, esta di Atco Aruba, ta pone bakinan special separa, unda cu pueblo por bin deposita nan desperdicio, por ehempel stof, frigidaire, carton, revista, corant, por bin cu bateria di cas, bateria di auto. Tur e materialnan aki por trece nan. Ta haya tin ora hende ta haci limpiesa na cas y nan no tin mester di un baki grandi, pero ta bay facilita e pueblo e ora pa por bin cu e materialnan aki pa deshaci na un manera hopi responsabel y siguramente facil tambe.

Material

Segun Wever, lo bay tin baki pa trece e materialnan separa. Ecotech ta bay contribui na reciclahe, unda cu bo por trece manera stof, frigidaire pa hero. Si bo tin carton, revista, corant. Ta bay tin baki special pa hendenan cu tin bateria di cas, bateria di auto. Ta bay tin baki special tambe pa azeta di auto, azeta di cushina. Ta un forma pa deshaci na un manera nechi y responsabel pa tene nos Aruba limpi.

Conciente

Mirando cu mundo ta birando moderno y nos mesun hobennan tambe ta lantando cu e mentalidad di tene un Aruba limpi y siguramente mundo completo. Ta pesey kier trece esaki pa por haci e concientisacion mas grandi y siguramente pa e generacion cu tabata tey prome por join e generacion nobo pa por tene un Aruba limpi.

A yega ora

Wever a splica cu e bakinan di separacion ta yuda. Esaki ta yuda pa separa e desperdicio. Ta pesey Ecotech ta bin cu esaki den e forma aki, cu miras pa futuro kico mas lo por bay haci.

 

 

Comments

comments