Departamento di Asuntonan Economico dunando extra atencion na comerciantenan mediano y chikito

0
127

Departamento di Asuntonan Economico, tin areanan cu cierto tareanan cu a capta hopi atencion, principalmente den tur e simannan aki y tin hopi interes tambe.

Banco di Caribe
Wendys
WEB

Segun Maria Dijkhoff-Pita, directora di Departamento di Asuntonan Economico, ta duna extra atencion pa loke ta comercio, specialmente companianan chikito. Ta haya cu eyden tin un potencial hopi grandi pa desaroyo na Aruba, ta e companianan chikito y mediano. Door di esey a crea idea y recientemente Exprodesk, cual ta un oficina cu ta cla pa yuda e comerciantenan cu kier bay purba di exporta nan producto of servicio. Idea ta duna diferente tayer cu ta specificamente dirigi pa empresarionan chikito, personanan cu kier drenta den comercio of cu tin negoshi caba, kier haya cierto habilidad of cierto conocemento riba areanan specifico.

Awor aki por ehempel recientemente a haci esun pa e grupo di agricultornan y e meta ta pa bay tur aña, toca cu un grupo specifico di comerciante y purba di duna cierto tips cu por ta nan tin caba, pero tin di nan no tin. Por ehempel e mesun comerciantenan den areanan di agricultura, tambe a duna ehempelnan con nan ta hiba nan negoshi, con nan ta haci nan negoshi. E meta ta pa duna nan e forsa pa ora cu nan lanta un negoshi, e negoshi keda pa hopi tempo.

Interes

Idea ta purba di mercadea masha hopi via Facebook, nan tin facebook tambe di Exprodesk y tambe di Idea. Nan tin nan websitenan, via corant local tambe ta purba di trece na conocemento di e publico en general, principalmente esnan cu kier drenta den e area di comercio, pa nan haya e durf tin biaha, mester cierto tipsnan y ta purba di yuda nan.

Kico por spera pa motiva

Lo bay sigui naturalmente cu tur loke ta e cursonan. Esey ta mas tanto locual cu como departamento por haci awor aki. Lo bay scoge diferente tema. Tur aña nan lo bay tin nan tayernan. E ta completamente gratuito. Tambe tin e cursonan di empresario prepara I y II. Eseynan si tin cu wordo paga. E prome ta costa mas of menos 550 florin y e di dos ta 300 florin. Eseynan ta haci conhuntamente cu enseñansa pa empleo. Ta un curriculum basta extenso. E prome tin 5 diferente modules. Ta haya hopi informacion, ta haya un diploma na final tambe. Eseynan ta e unico dosnan cu ta cobra p’e. Pero tur e otro tayernan ta completamente gratis. Locual cu kier ta, yuda e comerciante of e persona cu kier haci comercio, pa nan por tin e toolsnan. Door di esey ta haci’e gratis. E intencion ta pa sigui cu nan mas hopi cu por.

Fruto

Na Januari lo bay tin un evaluacion di e ultimo dos añanan con el a bay. Ora cu tin e tayernan, nan ta hopi yen. Pero e espacio ta chikito. E biaha aki ta 37 participante tabata tey. Ta dificil pa tuma mas hende. Bo ta mira cu tur ora e ta yen. Tin biaha tin lista di espera. Hendenan no ta logra haya cupo. Bo ta wak cu tin en todo caso, pa locual ta e participacion, ta hopi halto. Locual cu ta bay haci na Januari, lo bay midi tambe con e personanan cu a bin na e cursonan ta aplicando e conocemento cu nan a haya, pa habri nan negoshi. Tin algun a logra habri nan negoshi despues di a participa. Pero kier midi esey specificamente y mira kico tabata e cursonan cu miho a yuda nan, pasobra eseynan lo por keda ripiti.

 

 

Comments

comments