Confiansa di pueblonan di Corsou y Boneiro a haci cu Aruba Airlines por fin ta bulando entre e islanan

0
448

Despues di un luna pasa cu Francisco Arends, a bin Corsou pa un rueda di prensa, nan tey oficialmente pa inaugura ruta Aruba-Corsou, Corsou-Aruba, tan spera door di e pueblonan Aruba y Corsou. Despues di basta tempo cu no a bula Corsou mas, cu a stop, a haci’e pa motibonan cu tabata bula cu ekipo mucho grandi, cu ta un airbus 320 y a dicidi di planea un Commuter Service, avion mas chikito, pa por a sigui cu e ruta Aruba-Corsou y tambe Boneiro.

WEB
Wendys
Banco di Caribe

 

Kico a pasa

Ora cu a stop, nan a haya nan mes cu tabata planea e tipo di modelo di e avion cu kier a bula Corsou e tempo ey, na 2016 y a retrasa e ruta di Aruba-Corsou, pa motibo di e compromiso cu a pone den e operacion nobo cu a haya for di Miami pa Cuba e tempo ey, cu tabata un operacion hopi grandi cu a bula 32 pa 33 vuelo semanal y el a trece un tiki for di e track, pa e planeacion. Despues cu tur cos a bay bon, a cuminsa planea cu Corsou y Boneiro y tambe Gobiernonan di Aruba, y Corsou, tabata hopi entusiasma cu e comienso di Aruba Airlines pa tin mas airlift entre Aruba, Corsou y tambe Boneiro.

Despues a planea cu a cuminsa cu un dash. Despues tin e CRJ, e mesun compania cu tin e dashnan, tambe tin e CRJ, cu a cuminsa planea, wak cua ta bay sali mas miho pa por bula e ruta aki.

Finalmente, despues di un analisis, a bin scoge e CRJ cu 200 longrange, cu actualmente a cuminsa bula Corsou luna pasa y awe esun mes cu a prepara pa bin Aruba, a yega ayera Fort Lauderdale. A busk’e, a pasa Aruba cun’e y a bay Corsou pa cuminsa mañan cu nan schedule di Corsou, cu esun di Aruba colors.

 

Tin hopi confiansa di e pueblonan di Corsou y Aruba, dunando confiansa na Aruba Airlines. A haya asina tanto acogida, a cuminsa un di tercer buelo tur diamars, diaranson y diadomingo. Kiermen ya a cuminsa aumenta vuelo pa Corsou, pa motibo di e confiansa cu e pueblo di Corsou y Aruba a duna e aerolinea. Nan a haya bon acogida y hopi bon reaccion di parti di e viaheronan, cu e tipo di avion cu nan ta bulando.

Por ehempel awe a bula for di Aruba pa Corsou 18 minuut y locual cu ta un record, ta hopi rapido. A bin cu mas of menos 33 persona invita y un biaha mas, ta spera cu e lo bay bira un exito.

Ya caba e booking ta bayendo hopi bon. Tin un promedio di 80% di e factor di e booking cu pa e aerolinea ta hopi bon mes. No a spera asina tanto acogida y ta danki na e confiansa cu e pueblo di Corsou y e pueblo di Aruba ta apoyando e aerolinea den esaki.

Comments

comments