Bon recepcion pa Aruba Airlines cu a start sali cu su operacionnan pa Corsou

0
186

Aruba Airlines a yega Corsou y e aerolinea ta satisfecho. Nos a papia cu Esteban Valles, kende ta e director/CEO di Aruba Airlines, kende a splica cu nan a ricibi e ekipo pa e apertura di e vuelonan interisla, manera ta Aruba, Corsou y Boneiro.

Wendys
WEB
Banco di Caribe

Ta cuestion di un luna pasa nan a start sali cu un operacion cu un avion cu no tabata di nan. Riba e dia di awe a ricibi’e y a dun’e apertura na e vuelonan aki cu efectivamente desde 1 luna pasa a cuminsa, pero formalmente awe a inicia esaki formalmente.

Cuanto avion

Aruba Airlines a cuminsa cu Corsou, apesar cu nan tin mas vuelo internacional. Nan tin varios avion. Nan ta bula Miami-Aruba, Havana-Aruba, Aruba-Georgetown, Aruba-Corsou, otro luna nan ta bulando pa Boneiro. Nan ta bula pa Maracaibo, Venezuela, pa Valencia y futuramente Barquisimeto.

Pa otro aña nan ta bulando pa Colombia. Nan tin un empresa cu yama Skyworld, cu ta e empresa cu ta asesorando pa e crecemento di e empresa. Pa e otro aña mester tin un crecemento mayor, unda cu nan lo bay incorpora rond di 4 avion mas na esunnan cu nan tin.

Demanda pa ruta

Tin demanda pa ruta. Loke cu Aruba Airlines kier haci di Aruba, ta un hub. Trece pasaheronan di zuid bin nort, unda cu por brinda e stop-over, brinda bishita na Aruba y sigui pa bay nort, como tambe baha bin zuid, mescos haci tur e conexionnan na Aruba.

Ocupacion di asiento

Pa awor aki nan tin 90% di ocupacion cual ta hopi bon, sin haci mucho propaganda riba e ruta pa Corsou. E factor ocupacion tabata excelente. E tarifa accesibel y un servicio di prome clase.

Ampliacion di trabao

Na e momentonan aki nan a contrata 18 stewardess cu den actualidad a caba di caba cu nan curso. Ta cuminsando e siman aki 9 stewardess adicional, pa tin un total di 27, sumando na 102 empleado cu tin den actualidad na Aruba, como tal.

Respaldo

Esteban Valles a sigui splica cu nan ta satisfecho cu e respaldo na e aerolinea. Cada biaha nan ta bin ta ricibiendo e apoyo di e Arubiano cu Aruba Airlines. Di e manera aki ta brinda e Arubiano e servicio pa crece hunto.

Comments

comments