31 participante a logra haya nan certificado di participacion na tayer di Idea

0
83

Idea ta culminando un workshop cu nan tabata bezig cun’e pa algun siman caba y cu hopi interes. Louella Croes, trahando como business development advisor na Idea, tabata carga esaki hunto cu Judella Trimm, unda cu nan a organisa un workshop pa 4 dia largo.

Wendys
WEB
Banco di Caribe

Den e di 4 dia, no a logra a keda full cla cu e schedule, y a peticion di varios di e participantenan a dicidi di organisa un sesion apart y ora cu Idea a presenta, Directie Economische Zaken a presenta e parti di afdeling di establecimento di negoshi. Tambe a presenta e parti con pa aplica pa un permiso. Tambe a splica e formanan legal di e negoshinan, kico ta un eenmanszaak, kico ta un NV, kico un NV, etc. ta consisti.

Idea a presenta dos parti. E servicio di Idea y tambe e parti di workshop cu ta wordo ofreci na cliente y no cliente. E di dos parti tabata e proyecto di Cosme, cu Idea ta traha aden, hunto cu otro 11 isla den Caribe. Kico tur a haci na 2016 y e aña aki, den e proyecto aki.

Estimulo

Mirando e reaccionnan, esaki ta stimula nan pa sigui. E feedback tabata hopi positivo. E grupo a keda bin y 31 participante cu a logra haya nan certificado. Nan a participa tambe den e demas sesionnan anterior.

Siguiente biaha

Siguiente biaha tin proyectonan cu tin planea, pero pa awor aki no lo divulga nada ainda. Kier bay riba tur edad y diferente sector. Esey ta e meta, pero pa otro aña tin plannan grandi. Nan ta cla caba. Ta green light nan ta wardando awor aki. Semper e tayernan cu nan organisa, ta hacinan cu hopi amor y pasion y semper a haci’e cu e peticion di nan. Ta haya clientenan ta bin cerca nan y nan sa kico ta nan necesidad. A base di nan necesidad ta organisa tayer. Un persona cu kier maneha un negoshi bon, mester tin e conocemento pa e por maneh’e bon. E parti educacion falta hopi. Na Aruba tin hopi negoshi chikito cu ta di dos of mas empleado. Tin cu ta di un empleado so. Mas tanto loke tin na Aruba, ta Micro, Small y Medium Enterprises, segun Croes.

Comments

comments