Solucion pa dump no ta facil y cambia mentalidad di pueblo no ta sosode di un dia pa otro

0
416

America Sustainable Development Foundation (ASDF), presidi pa Kevin de Cuba, tambe ta comprometi na contribui pa Aruba logra e meta di un economia sostenibel, manera cu varios pais rond mundo ta trahando riba dje. Tur cu e pensamento di protege nos mundo pa e siguiente generacionnan. Universidad di Aruba hunto cu un instituto di Hulanda a organisa un prome seminario titula “De zaak is rond” cu e meta pa yega na crea un Plataforma cu lo bay concentra riba promove un economia circular (sostenibel), unda e sushi cu ta produci ta minimal.

WEB
Banco di Caribe
Wendys
beach tennis

Economia circular ta un tema, segun Kevin de Cuba, ta birando popular rond mundo y “mi ta contento cu nos a wordo invita pa ta parti di e combersacionnan aki, unda e prome pasonan concreto a wordo poni pa haci un investigacion di kico ta e potencial di un economia circular na Aruba,” de Cuba a splica.

Loke Aruba ta haciendo y principalmente e trabou cu companianan local ta haciendo riba e tereno aki ta hopi positivo, ya cu den region falta hopi conocemento riba e tema di economia circular, cual ta su beneficionan pa comunidad y negoshinan. El a mustra riba presentacion di algun compania local, manera ATCO y Ecotech, cu a splica con nan ta implementando reciclahe den nan negoshi pa un dia ta compatibel cu e vision di un economia circular. El a bisa cu nan fundacion ta enfoca riba crea consciencia riba temanan manera economia circular. A crea un plataforma regional, di Canada te na Chile, cu ta enfoca riba kico economia circular ta y e beneficionan cu e por trece pa un y tur den region.

“Mi ta hopi contento cu Aruba a cuminsa prepara su mes y tin e potencial pa bisa cu si tur hende cera cabes, traha hunto y compronde kico ta e balor tras di economia circular, nos tin un chens unico di promove Aruba na nivel regional como un isla cu un economia circular.” E plan ta bunita, pero su ehecucion ta exigi hopi mas investigacion,colaboracion y intercambio di ideanan.

De Cuba tambe a duna ehempel di ATCO cu ta trahando seriamente den un forma sostenibel, unda cu nan desperdicionan di construccion ta wordo uza, kibrando esaki te na e minimo y uz’e despues como materia prima pa traha bloki. Esaki ta un paso den bon direccion, el a bisa y cual ehempel mester wordo sigui door di otro companianan den nan mesun ramo.  “Mi ta aplaudi ATCO pa e paso cu nan a tuma den e ramo aki.”

Segun Kevin de Cuba, pa motibo cu e economia ta depende casi completamente di servicio y ta importa 95% di tur loke ta uza y consumi aki, e caminda pa cuminsa ta busca forma pa  importa material y productonan cu ta cumpli cu e rekisito di un maneho sostenibel, cu ta bio-degradabel, cu no ta toxico y cu despues di su prome uzo ora cu tire afo, e no ta causa daño na e medio ambiente. Su conseho ta pa companianan uni den importacion di un material manera ariba describi. Asina por ehempel por importa cierto material cu na final por wordo recicla y uza como compost den agricultura.

Aruba aworaki, el a bisa, ta den un fase di transicion unda cu mester resolve e problema actual y na mesun momento traha paralelo cumprando material di bon calidad cual por wordo re uza. Aruba su tamaño ta encera cu no tin un mercado suficiente grandi pa haci reciclahe di sushi cu ta bay dump. Un solucion por ta waste to energy cu a termino corto ta un bon solucion. Pero ora cu haci un inversion grandi den reciclahe di sushi, mester tin siguransa cu ta sigui bay tin desperdicio pa por sigui opera. Pero esaki ta algo cu stakeholdernan mester discuti si e ta un solucion pa largo plaso. Pesey e ta bisa cu e solucion di dump no ta facil.

E ta conseha pa cambia e pensamento riba e tipo di materialnan cu ta wordo importa mientras cu ta pensa riba e solucion pa dump. Cambio mentalidad di pueblo no ta algo cu por sosode lihe, prome mester busca alternativanan factibel a termino corto. Un bon forma ta e proyecto di Eco-Gas, ya cu e ta aporta na crea un otro fuente di energia pa Aruba, cu por wordo uza di diferente manera, den sector energia, transporte of pa cas.

Comments

comments