Sperando formacion di Gobierno pa sa kico lo mester wordo haci diferente den turismo

0
402

Durante e conferencia di prensa a mustra Dangui Oduber riba su rol como minister di turismo. El a splica cu ora tuma over un ministerio, bo kier sa tur ins and outs di e ministerio aki. Prome cu bo duna un declaracion, bo kier sa con ATA ta funciona e ultimo ocho añanan aki y una bes ricibi tur

WEB
beach tennis
Banco di Caribe
Wendys

informacion, e ora e minister tin un vision unda kier bay. Na e momentonan aki, Parlamentario Dangui Oduber no a delanta kico lo bay ta specifico e maneho, pasobra e kier sa prome kico tabata e maneho di ATA pa e ultimo 8 añanan aki. Na momento cu sinta cu e director di ATA y haya tur informacion, e ora por sa kico abo lo bay haci diferente. Nan sa unda nan kier bay y kico nan kier. ta cuestion pa duna algun dia mas pa por ehecuta e vision cu no solamente a pone den nan programa, pero e vision cu a bin ta splicando pueblo pa e ultimo 4 añanan aki.

Dangui Oduber a splica, cu na momento cu ta hiba un campaña bo ta premira e resultado di

eleccion, si en caso bo partido haya mayoria y si en caso e partido haya un mandato den e

caso aki, di coalicion, pa bay goberna, bo ta prepara bo ekipo, bo ta prepara bo team, pero

na e momentonan aki, nada no ta concreto ainda. Sra. Formador ainda ta bezig cu formacion

di e Gobierno. Na momento cu esaki bira un realidad e ora bo ta formalisa tambe bo ekipo cu

bo lo desea di bay traha cubo cu lo yuda engrandece nos turismo. Te na e momentonan aki Dangui Oduber no a anticipa,

 

Confiansa den ATA

Durante e conferencia di prensa a puntra Dangui Oduber si e tin confiansa den e ATA actual? Tur hende sa cu Oduber tabata critico riba e maneho di turismo. Na su parecer por a haci mihor, esta atrae e turista cu ta gasta mas placa. Esey tabata parti di e vision di ATA tambe. Pero prome cu duna un expresion riba e maneho di ATA con el a wordo hiba, ta prefera di warda un rato y haya e informacion mas detaya prome cu haci un expresion tocante si e maneho tabata bon of malo. No ta bay bisa na e momentonan aki si e manera cu ATA a wordo maneha e ultimo 8 añanan aki tabata e miho maneho of no tabata e miho maneho. Pesey ta prefera di warda un rato, laga e formacion concretisa, haya tur informacion como futuro gobernantenan y una bes cu tin tur informacion na manera transparente e ora por delinea un maneho e ora bo sa kico abo lo bay haci diferente.

Turismo, te cu awe, ta nos unico pilar economico. Logicamente turismo ta keda contribui na economia. Semper e discusion cu Dangui Oduber a hiba tabata cu apesar cu e turista ta bin, apesar cu e ta gasta e placa, ora cu bay tuma e averahe di cada turista cu ta bin nos pais, cuanto placa cada turista ta laga atras, esaki a bay atras cu casi 100 dollar pa dia. Durante nan estadia, si nan keda un siman, papiando di casi 700 of 800 dollar cu cada turista ta gasta menos durante nan estadia. Esey ta e discusion cu a hiba e ultimo añanan aki, cu apesar cu e turista ta bin, cu segun e rapportnan ta contribui na economia, pero ta wak cu e turista cu ta wordo treci, no ta e turista cu nos tabata custuma di dje. Cada turista ta lagando entre 800 y mil dollar menos durante nan estadia, di locual tabata custuma na dje durante e periodo di MEP.

Pesey a pone den e programa di Gobernacion aki, cu kier mira e turista bek cu ta laga placa atras den nos economia y kier mira e turista cu ta gasta manera cu e tabata gasta antes, cual no a mira esaki den e resultado e ultimo 8 añanan aki.

Si mil turista bin, nan gasta mil dollar antes, pero si awo bo ta bin cu 10 mil turista y cada turista ta cada 100 dollar, e placa ta drenta. Pero e calidad no tey. E cantidad tey, pero e calidad simplemente no tey. Pesey a pone esaki como parti di e programa cu kier mira calidad bek, e Parlamentario a comenta.

Comments

comments