Resultado Beach Tennis Panamerican Championship Aruba ta logra jega te quarter finals

0
212

E weganan di ITF Panamerican Championship a termina diadomingo riba un Eagle Beach completamente jen pa asina aki por presencia e final nan di diferente categoria. Aki ta trata di Boys U16, Women’s Doubles, Men’s Doubles como tambe Mixed Doubles

Banco di Caribe
Wendys
WEB

Pa e ekipo di Aruba, e campeonato aki a termina desde diasabra caminda e Team Aruba 1 den categoria masculino ta perde contra un di e ekipo nan di Venezuela kende a pasa pa final, despues di a gana e campeon nan di aña pasa, esta Brazil. Aksel y Anderson a duna un tremendo bataya riba center court. C un publico grandisimo, di tanto local y internacional, e prome set a bai nos ekipo local cu e score di 7-5. E di 2 set tabata uno masha particular ya cu Venezuela ta logra gana 6-1 pa asina pusha un di 3 set. Akinan e ekipo di Aruba ta keda cortico cu e score di  7-5

Pa loke ta e ekipo femenino di Aruba, esta Team Aruba 2, Anne y Dominique a pone un espectaculo riba center court, dunando e ekipo cu a caba di gana e copa mundial na Italia, basta dolor di cabes. E prome set a bai 7-5 pa Brazil y ya den e di 2 set e ekipo di Aruba no tabata por mas y asina aki e ekipo di Brazil a logra gana e di 2 set fasilmente

Beach Tennis Aruba kier a manda un palabra di danki na cada un cu a bin presencia e weganan aki cu a tuma lugar na Tropicana Beach Tennis Club y alaves kier a invita Aruba completo pa pasa na Eagle Beach entre 13 y 19 november caminda lo tuma lugar e ITF Aruba Open 2017 cu un cantidad di mas cu 1400 participante.

Comments

comments