Dama a keda gelock den su propio auto riba caminda di Paradera

0
855

Diadomingo, algo pasa di 4’or y 5 di madruga, un dama a yama polis y avisa cu e no por sali for di su auto pasobra e auto a lock y e no por baha. Patruya di Noord a bay na e sitio menciona y a bin topa cu un Honda Pilot color preto, para banda di caminda. Nan a nota cu en berdad e dama tabata gelock den su propio auto. Personal di Nagico tambe a presenta na e sitio, y a pidi e señora pa habri e hood di su auto. Ora a bay check e cabes di e bateria, esaki a kita for di su luga y pesey e portanan a lock, haciendo imposibel cu e dama por a sali afo. Polis, hunto cu personal di Nagico, a yuda e señora door di a pone e cabes di e bateria bek. Di e manera aki e lock a logra kita y e dama a keda alivia. Despues di esaki, e por a sigui su caminda trankil, sin ningun problema.

Comments

Wendys
WEB
Banco di Caribe

comments