Curpa sin bida di Marilyn Vrolijk haya ta drief den lama na Boca Mahos

0
3408

Bombero y Polis tabata presente na Bushiribana, pasobra a drenta informacion cu personanan a mira un curpa sin bida ta drief den e lama bruto aki, na costa panort di nos isla.
Vocero di Polis, Lito Lacle, tabata tey presente y splica cu tabata tin investigacion andando. El a splica cu melding a drenta via Central cu un compania di tour a meld cu nan a mira un curpa di bida ta drief, net panort di Boca Mahos, mas of menos un 20 pa 25 meter for di e costa. Ora cu a yega, por a mira cu e stroom poco poco tabata hibando e curpa west. Na e momento ey tabata wardando boto di Maritiem pa asina por saca e curpa for di lama.
Lacle a sigui splica cu tin algun hende perdi, pero no por confirma, tanten cu saca e curpa y wordo identifica. E por ta un hende cu por tabata perdi, e por ta un hende cu probablemente lo a trata di drenta ilegal y no a logra yega costa.
Ta mustra cu ta trata aki di un hende muhe. Den e forma cu e ta, ora cu tin’e cerca of den e boto, por confirma esey.
For di e distancia por a mira cu e persona tin un blusa of flanel geel na su curpa y ta wardando personal di Maritiem Politie pa asina por sak’e. Slachtofferhulp y recherche tambe a yega na e sitio. Ora cu boto di Kustwacht y Maritiem Politie a yega, a logra saca e curpa y trece waf unda eynan dokter a constata morto. Famia tabata na costa tambe pasobra nan tabata sinti cu ta nan ser keri perdi ta den lama. E tabata depresivo pa algun tempo caba. E famia a splica ms mesa di redaccion tambe cu Marylin Vrolijk di 57 aña tabata bayendo dokter. E tin dolornan fuerte na su cabez. Esey a pone cuminsa bira desespera y depresivo. El a haya cita pa specialista te mey mey di December. Asina mes siman pasa el a bay dokter atrobe pasobra e dolornan ta birando mas y mas fuerte cada biaha. A mustra dokter cu pa December e no por wanta pa yudanza di specialista. A hala e fecha pa 22 di November. Prome cu e fecha aki Marylin Vrolijk a tuma un decision otro cu su bida. Su partner fam Bremo tabata na baranca cu awa na wowo ta mira curpa di su compañe ta drief. Un sla duro pa nan tur. E tabata preocupa pa salud di Marylin. Na trabou constant e tabata pensa riba dje pasobra e sa cu e tabata depresivo mirando su situacion di salud. Awor pa un descuido den algun minuut el a perde for di bista. Nan a buske tur caminda te ora yamada a drenta cu tin un curpa ta drief algun 100 meter cerca di nan cas. Nan ta di Rooi Prikichi y canando den algun minuut bo ta yega costa. Pas na su restonan y hopi forsa na e famia.

Comments

WEB
Wendys
Banco di Caribe

comments