Polis a hasi uso di arma reglamentario pa detené dos sospechoso ku a resistí aresto

0
109

Djaluna 6 di novèmber 2017 alrededor 13.59 or polis a para un vehíkulo den e área di Barber na altura di Kaminda Prospero (Popo Rojer) pa hasi un kòntròl. Den e outo aki tabatin dos persona, e hòmber J.R.H., 20 aña di edat ku tabata fungi komo shofùr di e outo i su ruman hòmber J.J.E.H., 15 aña di edat.
Polis a konstata ku e shofùr di e outo no tabatin su faha di seguridat bistí i disidí di duna e shofùr un procès-verbal. Despues di e kòntròl aki e kosnan a sali for di man na momento ku e agente a bai duna e sospechoso J.R.H. e “oproeping”. Na e momento ei e dos sospechosonan a kuminsá insultá e outoridatnan polisial dor di papia palabranan insolente.
Na e momento ei e agente polisial a bai over na detenshon di e dos sospechonan aki pa motibu di a ofendé nan durante e ehekushon di nan trabou. Mas aleu e sospechoso di 15 aña a bula sali for di e outo i a kue dos baranka di pieda pa dal e polisnan kuné. Na e momento ei un di e polisnan a bai riba dje i a logra kita e barankanan for di dje i a detené i pone bui na su mannan. E sospechoso J.R.H. a kuminsá bringa ku e otro polis i a surgi un forsageo serio. Dado momento e polis su faha ku su arma di kandela riba dje a lòs i a bai resultá fuera di su alkanse. Dado momento e polis a logra di haña su faha bèk. E sospechoso J.H.R. a kue un pieda grandi i a bai den direkshon di e polis. Na e momento ei e polis a hasi uzo di su arma reglamentario i a lòs dos tiru di atvertensia.
Apesar di e tirunan di atvertensia tòg e sospechoso a sigui bin den direkshon di e polis ku e pieda den su man. Na e momento ei e polis a lòs un tiru dirigí riba e sospechoso J.R.H.(shofùr) ku a alkans’e na e bèl di su pia robes. E ora ei e sospechoso a laga e pieda kai abou.
Alrededor di 14.10 or polis a detené ámbos sospechoso pa respektivamente opstrukshon, resistensia i maltrato.
Ambulans a transportá e sospechoso J.R.H. pa Poliklínika pa tratamentu médiko.
Mas lat alrededor di 14.45 or e tata di e sospechosonan, e hòmber R.S.H., nasé na Kòrsou, 40 aña di edat a bin na warda i a trata su mes na un manera inakseptabel i e tambe a keda detené pa menasa.
E agente polisial ku a keda agredí a haña leshon na su èlebog robes, rudia robes i ènkel hinchá. Ademas e tabatin diferente herida na su kurpa i mester a bai dòkter pa tratamentu.
A presentá e sospechosonan dilanti di un Fiskal Ouksiliar.

Banco di Caribe
WEB
Wendys

Manera ta e kustumber den tipo di kaso(nan) asina, semper e departamentu di Relashon Interno(BIZ) pero tambe Landsrecherche ta involví den e investigashon pa tin un investigashon imparsial.

E investigashon den e kaso aki ta kontinuá.

Comments

comments