Melvin Tromp di AVP: Prome cu a forma gobierno ya ta papia di bay busca placa na Hulanda

0
646

Un di e politiconan opositor na Gabinete Mike Eman I y II durante di  aña largo, y kende pa e periodo largo aki a papia solamente di  ‘mega debe,’ awor ta sorprende tur hende ora cu prome cu e huramenta como un di e Ministernan di e gobierno nobo, ya ta soñando pa biaha pa Hulanda pa busca placa.

beach tennis
WEB
Wendys
Banco di Caribe

Melvin Tromp di partido AVP ta mustra cu e falta di vision cerca e politiconan aki, ta bolbe resalta awor cu nan a logra di forma un gobierno pero caminda realmente nan no sa kico nan tin cu haci y con nan ta bay haci nan cosnan.

“Ora cu pueblo scucha Xiomara Ruiz Maduro declara cu gobierno di MEP lo biaha pronto pa Hulanda pa busca placa pa atende e desaster financiero cu gobierno di AVP a laga atras, tin cu bisa cu ta un declaracion cu ta cuadra net na momento cu aki na Aruba ta duna inicio pa e temporada nobo di carnaval.

Un declaracion di Xiomara interesante pero na mes momento sumamente ridiculo caminda e ta confirma cu MEP a tuma un mandato di cual e no tin un ‘benul’ di kico esaki lo bira.

Ban ta franco, cu presencia di CAFT aki na Aruba, un comision cu e propio Xiomara hunto cu su lider di partido a biaha pa Hulanda pa roga  gobierno di Reino pa manda CFT bin kita autonomia financiero di nos pais, awor ta demostra cu nan no ta respeta e comision aki cu for di 2014 ta trahando aki riba nos isla.

CAF a controla y aproba mescos cu Parlamento di nos pais, tur presupuesto for di 2015 bin ariba y  confirma cu e maneho financiero di Gobierno di AVP, tabata cumpli cu su deber y responsabilidad  a base di palabracionnan haci, cu su presupuestonan.

No solamente CAFT pero otro instancianan manera IMF, Fitch Ratings y Standard & Poors, institucionnan financiero mundialmente conoci, a sostene e maneho di Gobierno di AVP pero awor diripiente sin ainda cu e gobierno di MEP a tuma gobernacion over oficialmente, ya caba ‘Minister to be,’ Xiomara ta preparando su biahe pa Hulanda pa presta placa pa MEP por goberna.

Aki pueblo tin cu pone bon nota, ya cu ta mesun  Xiomara di MEP aki, tin  ocho aña ta papiando di mega debe, cu nos yiu- y nietonan lo tin cu paga e mega debe aki pero su prome vision den su proximo funcion como Minister di MEP, ta di bay presta placa na Hulanda.

Den e proceso aki Xiomara ta lubida por completo cu na 2009 ora cu pueblo a core cu su partido pa mal gobernacion,  AVP a haya e pais aki den loke e mes ta bisa, un desaster completo y asina mes mei mei di e desaster aki,  Gabinete Mike Eman I a percura pa duna esunnan den mas necesidad, yudansa den forma di entre otro un reparatietoeslag, financia gasto di scol pa miles di mucha sin cu mester a bay Hulanda a busca placa.

A hinca miyones den e fondonan di pensioen cu MEP a laga na werki sin cu mester a bay Hulanda pa busca un solo florin di yudansa pero ya caba pueblo por haya un bista con gobernacion di gobierno di MEP ta bay bira pa e proximo añanan,”  Melvin Tromp di partido AVP ta señala. 

 

Comments

comments