Tour operatornan mal contento a blokia waf

0
157

Autoridad a wordo yama na waf pa asina atende e situacion cu a reina eynan. E mal contento cu a reina eynan ta entre e touroperatornan. E situacion tabata hopi cayente na e luga. Un di e operatornan a altera y el a expresa cu e polisnan a bin haci nan trabao, pero nan hefe ta dicidi cosnan contra ley y hinca nan den problema cu e touroperatornan. El a splica cu awo no ta momento pa papia, pero prome caba.

Banco di Caribe
WEB
Wendys

E chauffeurnan a yega na nan limite. Nan papia y puntra pa un solucion, pero nunca tabata tin uno. Nan a yega haci un cos di un dia pa otro y no ta bon.

Nan a priminti cu nan mag di keda para na e luga, pero e borchinan ta keda mesun cos. No ta bal la pena. Mescos cu por a kita e borchinan e dia anterior cambianan, nan por a haci’e awe tambe. Den un rato nan por cambi’e.

 

Polis

DOW a bin eynan ayera. Prome ta taxi por a para eynan y bus por para un otro luga. Diripiente DOW a bin, ora cu tur a bay, atardi magia a sosode. Awo no mag di ni para eynan y cierto caminda ta taxi so por para. E problema ta asina. E turista ta sali for di main gate, cu ta gate 3. Ta sali pa cana cu e turista te banda di e tanki. Tin di compronde cu tin turistanan di Holland America Zuiderdam cu ta hendenan grandi. Un compania a haya cuater boet, djis pa para eynan. E distancia pa cana cu e turista ta leu. A priminti cu dia e porta mey mey habri, cual ta e plan. Tabata tin un reunion caminda cu a bisa cu e parkinglotnan ta pa e touroperatornan y ora cu e porta habri a bisa cu no tin problema pa para pabao pasobra e distancia ta bira menos. Awor e distancia for di unda nan ta, pa e parkinglot ta mas of menos 150 meter. Imagina cana cu un persona riba rolstoel te eynan. Ora cu para eynan, ta haya boet riba dje. Dicon a reuni cu nan pa planificacion di esaki y no reuni pa bisa cu entrante dialuna ta bay buta tal borchi. Nan ta yega hisa benta y no ta prome biaha.

Tin hende cu tin mas di 30 aña ta traha den e profesion. E guera no ta cu e touroperatornan so, pero cu tur hende cu ta frecuenta eynan y bende nan mercancia.

Paden tin 25 compania cu ta first option. Fuera di esey tin e companianan grandi, cu ta busca miles di turista ora cu nan yega. No tin chens paden pasobra e monopolio ta wanta pa varios aña. E punto ta, taxi tambe tin opcion pa para prome. E pregunta ta, ki balor e vergunning di e touroperatornan tin, si taxi por core tour, por para eynan, por para na hotel, por para na restaurant. Nada contra nan, pero e touroperatornan kier un trato igual. No mag di bay lama for di eynan, nan ta respeta, dicon kita e parkinglot.

Si nan a bisa esaki, prome cu buta e borchi, loke a sosode mainta, no a pasa. Awor aki nan a welga trankilo. Ta buscando un solucion, pero no tin oido.

 

Blokeo

E blokeo di awe tabata pa haya oido. E touroperatornan ta spera cu esey. Polis ta bisa cu nan por keda eynan, pero e borchi tambe por keda. Otro polis ta bin despues y ta duna boet.

 

Roland Paskel

Nan tabata tin un temporada cu tabata tin casi 20 bus eynan. Awo a reducie te na 6 bus. Pa nan ta importante pa para na e salida. Hende ta sali pafo, nan tin tur e companianan grandi paden caba. Ora nan bin pafo, nan ta bin topa cu e busnan y ta bende nan producto, pero asina aki, pone nan patras. Nan mester bira serio. E ley eynan no ta bay.

 

Kico lo pasa

Paskel a sigui splica cu e cos aki nan ta hungando cu pan di hende. Tur hende ta purbando di come mescos cu tur otro hende. Tur otro hende eynan, tin un salario pa luna. E touroperatornan ta biba seis luna pa aña. E poco dia cu nan tin como high season, pa nan wordo perhudica riba dje, no ta posibel.

 

Multa a cay

Polis, manera ya indica, a bin pa atende e situacion. Y hasta por bisa cu multa a cay. E touroperatornan tabata hopi disgusta y hasta Comisario Irma Gordon tabata tey presente pa asina pone su mes na altura di e situacion.

E mes a splica cu ta purbando pa yega na un harmonia. Tin hopi cos a pasa cu nan no ta na altura, pero ta haciendo su best pa wak con por regla esaki na un manera suave.

Pa loke ta borchi, el a splica cu e tin cu tuma contacto cu DOW pa sa ken a duna autorisacion pa cambi’e. Full eyden tin cu wak si e departamento di trafico tabata na altura di tur e cambionan y si tabata cu nan conseho cu a pone nan.

For di ayera caba Gordon sa cu e touroperatornan tabata buscando oido. Ta pa e motibo eynan Gordon a bin pa mira con leu por yega pa haci esaki.

 

Sinta na mesa

Ta hunto tin cu sali afo. Sinta na mesa sigur ta un opcion, Gordon a bisa.

Comments

comments