Richard Arends di AVP: Proceso di refineria ta andando

0
168

E confirmacion tey cu e proceso di refineria ta andando. Tur e spinoff effectnan di empleo, esaki ainda bo no ta wak’e refleha den e resultadonan di e prome kwartaal. Pero si ta duna un indicacion importante cu e importacion di metal, importacion di makinaria ta relata den e sector energetico aki. A laga AIB traha un estudio aña pasa, cu pa e aña aki, 280 miyon Citgo a inverti den e economia cu ta mas of menos 6% di nos GDP. Ya caba e prome kwartaal di 2017 ta demostra esaki. Richard Arends di AVP a splica riba e plan di inversion cu a inicia cun’e, inversionnan den infrastructura, inversionnan den energia, pero tambe den e area publico y otro inversionnan haci tabata tin diferente meta segun Richard Arends. E metanan cu a hiba tabata jumpstart di nos economia, crea mas cupo di trabao, mehora competitividad di e negoshinan. Esta reduci gasto di haci negoshi, pero tambe Inverti den poder di compra di e ciudadanonan. Segun Arends, e resultadonan di e prome kwartaal di 2017 ta refleha esaki. Si wak caba, e parti energetico, e inversionnan cu a haci cu Gobierno na inicio a keda sin cobra su dividendonan, pero tambe a pusha pa mas penetracion di fuentenan sostenibel, e fuentenan duradero, pa loke ta trata produccion di energia, a resulta den tasanan hopi reduci di inflacion y esaki tin un conexion directo cu nos economia. Na Januari 2014, danki na e inversionnan cu empresanan di utilidad a haci, a logra reduci e tarifa di coriente cu 14% y esaki tin su implicacionnan economico cun’e y por a wak’e den e prome kwartaal di 2017.

Banco di Caribe
WEB
Wendys
beach tennis

E confirmacion di esaki cu tabata tin un efecto cu el a mantene e inflacion awor aki abao te ainda. Recientemente a ricibi reportenan regular di oficina Central di Estadistica y ainda por wak cu e efecto di e maneho energetico tin un relacion directo cu nos economia. No solamente ta e caminda pa sostenibilidad cu ta kere y e metanan cu a pone nan dilanti pa yega na e sostenibilidad dentro di poco, 2020, 100% sostenibilidad pa loke ta creacion y produccion di awa cu coriente. Pero no mester keda sin menciona cu e tin su conexion economico y esaki ta wak’e hopi cla den e tasa di inflacion cu a keda reduci y a keda casi na 0 pa loke ta trata e prome kwartaal di 2017.

Comments

comments