Wouter De Ruiter a fayece di cancer celebral

0
4830

E no tabata un accidente ni tampoco cu na e momento ey a descubri e malestar aki, sino cu ora a saca e CT Scan di cabes di e victima, a topa cu un cancer celebral (tumor) di no menos cu 28 cm den diamater cu a tapa henter e celebro di e pashent. Esey mes a dune complicacion cu consecuencia fatal. Esaki a sali for di un investigacion propio cu nos media a realisa.

WEB
Banco di Caribe
Wendys

Hospital ta blanco di critica desde e noticia di fayecimento di Wouter De Ruiter, debi cu a haci comosifuera cu dor di negligencia di e personal di Spoed Eisende Hulp y dor cu mashin di MRI na Hospital no ta trahando, cu pa esey e hoben a fayece. Ta lamenta cu un grupo ta opta pa hunga politica cu dolor di e famia. Tambe por nota hopi hende ta opina, sin cu nan mes tabata presente na Hospital ora di e susedido.

E berdad ta cu Wouter a presenta dos biaha na Spoed Eisende Hulp e ultimo dianan aki. E prome biaha el a keha di dolor na su barica. Su mama a bisa cu e tin hopi dia sin come y cu e no kier bay dokter of cu e dokter di cas nunca ta disponibel. Hospital a investiga su problema di stoma pero no a saca nada afo. Tambe a haci testnan di sanger, presion, etc. y tur otro test a sali bon.

E di dos biaha el a presenta atrobe y e biaha aki a keha di dolor di cabes. E ora a opta pa haci investigacion riba dje pero e no kier a coopera, el a bira agresivo y su mama a pasa masha dolor di cabes cune den e proceso pa purba haci un scan di su cabes. El a haci tur lo posibel pa no haci e test, pa cual e ora e opta pa intern’e pa ora e calma nan haci e test cune. Su mayan su situacion a empeora y a opta pa pone drumi y asina a haci e test cune. A sali afo cu e tin un tumor masha grandi mes den su cabes, cu a midi 28 centimeter den diameter. Su complicacionnan a empeora y cu consecuencia fatal.

Pues, na ningun momento a haci test di MRI y ni tabata necesario. Locual mester a haci y a haci ta un CT Scan di su cabes, unda cu el a bisa e tin hopi dolor.

Expertonan a splica nos cu e comportacion ta mustra claramente cu Wouter de Ruiter tabata den su fase final di un cancer grandi den su cabes. E unico problema ta cu un tumor di e grandi ey no ta crece di un dia pa otro, sino ta tuma lunanan sino ta añanan pa e crece. Awor ta sea cu e victima tabata sa di su condicion y a opta pa no haci nada y no cuida curpa of e no tabata sa mes pasobra nunca el a bay dokter y investiga tur e dolornan of malestarnan cu e tabata sinti. Su amigonan a sigura cu el a biaha diferente bez pa Venezuela ultimo tempo, pues a kere cu e tabata bayendo dokter eynan.

Wouter de Ruiter ta masha conoci y stima pa hopi, pa cual su fayecimento repentino ta haci hopi dolor. Di otro banda, e ta un mensahe pa nos tur, pa acudi na Bo dokter di cas asina cu bo sinti malo y no warda te ora ta laat.

Comments

comments