Eltienne Yarzagaray ta lansa su cancion di mas nobo: “Emanuel”

0
231

Cu hopi entusiasmo Eltienne Yarzagaray ta lansa su cancion mas nobo! E titulo di su cancion ta ‘EMANUEL’. Pa varios tempo Eltienne Yarzagaray a bin ta cosechando varios exito cu su cancion ‘Bo ta Santo’. Ta tempo pa sigui cu su inspiracionan nobo.

WEB
Wendys
Banco di Caribe

E tema nobo;Emanuel, ta un inspiracion cu nificacion profundo pa trece hende mas serca di Dios. E cancion ‘Emanuel’ ta significa: Dios ta cu nos. Eltienne a haña e inspiracion mientras e ta tocando su piano. E letranan di e cancion ta papia di un persona cu a scucha e bon noticia cu lo bay bin un salbador cu lo por sake di cualkier situacion cu e lo ta biba aden.

Tambe e cancion tin un significacion personal pa Eltienne. Eltienne su di tres nomber ta Emanuel. Su mama a dune e nomber ey den un momento hopi dificil di parto unda cu Eltienne y su mama a hera fallece. Eltienne su mama den e momento dificil a bisa ‘Señor si bo laga nos biba, lo mi duna mi yiu e nomber Emanuel’. Den e momento ey Dios tawata cu nos.

E meta di e cancion Emanuel ta pa trece speransa bek den e ser humano. Cu den e temporada aki nos por refleha riba e rason di Pasco. Cu Emanuel trece su lus den cada hogar.

Produccion
Eltienne Yarzagaray ta e compositor di e cancion‘Emanuel’. E cancion a wordo aregla pa Miguel Genser y wordo gemix y master pa Gilner Dirksen. E musiconan cu a forma parti di e projecto aki: riba baho Diego Henriquez , riba cuarta Vivio Croes, vocalista Rachel Kraaijvanger y David Dubero. Demas instrumentonan door Miguel Genser.

Eltienne kier a gradici su casa Solmaita Yarzagaray pa su amor y sosten na e projecto aki. Tambe na e pueblo di Aruba, pa solisita e cancion aki na tur radio.

Comments

comments