Dia #4 Boso representante na Nashonnan Uní, Giselle Mc William

0
92

Awe nos a habri e dia ku alto mando Militar di Reino I terminá ku un Kanades/Kolombiano ku un enorme pashon pa e mishon prinsipal di Nashonnan Uní,pas! Preparando pa Reino  Hulandes drenta “Veiligheidsraad “ a bini New York tòp gunnan militar pa prepará pa e entrada di Veiligheidsraad otro aña i asina duna konsehonan militar,MILAD (military advisor).

beach tennis
Wendys
WEB
Banco di Caribe

Komandante van den Berg ku tabata na mando riba e barku  Karel Doorman dia Reino
a duna asistensia na e mishon di Ebola na Afrika a bin duna nos un bista kon kosnan ta kanando. Nan ta bai tin komo meta konsehá riba strategianan militar, asistí na mishonnan i yuda kombatí armanan nuklear i e asina yama “emerging conflicts “ manera  Myamar/Iran.Segun Komandante van der Berg henter e approach di mishonnan
ta kambiando, unda e forsa militar tabata e promé opshon den konflikto, awor ku ayudo di militar ta purba buska solushon nan den “field” inkluyendo tur e aktornan. Aki tambe a resaltá kon ta buta énfasis riba e ròl importante hende muhé durante e intermediashon nan aki.
Despues di e nos a bishita e mishon di Union Europeo ku tambe tin representashon den Nashon Uni den Asamblea General i tin tur derecho I responsabilidat den e organisashon aki meskos ku pais miembronan, pero ménos e poder di vota den e órgano aki.Na 2007 e  paisnan den Union Europeo a firma e tratado di Lissabon unda a duna EU e mandato di tambe representante e paisnan aki di EU den NU.

Esaki no ta algu fásil,pero tur e miembronan ta
konsiente ku huntu nan por logra mas tantu.E tema di Brexit tambe a wòrdu toka I aki sr.van der Akker di e mishon aki a bisa ku nan no a mira ni lo verwacht ku Reino Ingles lo bai kambia muchu di posishon kompará ku e otro paisnan den EU.Riba mi pregunta kon  Kòrsou, Aruba I
St.Maarten tambe por duna nan input ? Aki e splika ku promedio di Reino esaki ta posibel pero ora ta trata temanan spesífiko manera klima , SIDS(small islands development states)etc ku ta toka nos direktamente sin mester pasa via di Hulanda. Nos di tres briefing tabata ku Sra.Mervat Shelbaya riba e situashon alarmante na Myanmar i Bangladesh i Sra.Paola Emerson riba Syria i Yemen. Kada unu di e paisnan aki ta pasando un krísis humanitario ku kasi no por wòrdu deskribí, pero no opstante di esaki UN ta keda buska e
posibilidat pa aliviá e miónes di ser humanonan aki den e situashon horibel ku konflikto interno den nan pais ta okashoná. Huntu ku e delegashon di Reino tambe e siman a
akompaña nos e representante di Hóbennan di Elian Yahye ku a konta nos su input durante e siman aki pa yega na un resolushon den UN pa hóbennan. Unda e la kana un trayekto resolushon pa inkluí hóbennan rònt Hulanda den e resolushon di Hóben aki. Esaki e logra  dor kombersá i puntra nan opinion riba diferente tema manera kiko ta hasi bo komo hóben rabia den riba bo pais ,splika kiko e SDG’s )social development goals) por hasi pa nan i kiko nan lo
hasi otro komo hóben. Aki tambe a bin dilanti pa hóbennan di e islanan tambe por partisipá den e trayekto aki.Tambe ta tin e representante di VN vrouwen di Hulanda ku a bin duna testimonio na UN kon den un generashon un famia por kambia dor di inklushon i enseñansa, e komo yu di migrante analfbetiko ku awe studia na universidat por papia den Nashonnan Uní i inspirá otro hende muhénan.

Nos a kontinuá ku sr.Richard Nephew ku tabata e outor di e
sanshon kontra di Iran na 2015. E duna un bista kon delikado e situashon aki ta ku Iran i Noord Korea. Yegando na final di dia nos a topa ku e “ontwapeningsambassadeur “ sr.Rob Gabriëlse ku a splika kon e diferente trayektorianan ku ta kana pa yega na tratadonan pa atendé ku diferente tipo di armanan den mundu. Na final di dia sr.Marc- André di Peace building Office ,unda e lo splika ku apénas 9 kolega den ofisina nan ta manehá 20  mishon.Unda e splika ku e budget di Nashonnan Uní di 50 bion di dollar, apénas $8 bion ta bai direktamente pa Peace building office. E meta ta pa traha mas preventivo i sostené e komunidatnan den konflikto di un manera duradero. Aktualmente nan ta yudando supervisá e
akuerdo di pas na Colombia,pero nan ta bai mas leu awor den esaki. Dor di ekipá ku konosementu e sòldánan di FARC pa nan por re integrá e komunidat Kolombiano
bek.Tambe nan ta guia FARC den e proseso pa drenta polítika ku meta pa sigui krea pas i yuda hisa nivel di polítika na Colombia. Klaramente nos ta mirando un shift di pensamentu i
approach di UN pa ku konflikto nan ,unda ta purba resolvé e rais di e konflikto di un manera duradero.

Comments

comments