Ciclistanan di Aruba lo competi den e 17th Caribbean EliteCycling Championship na isla di Martinique

0
119

E dianan 20 – 23di oktober proximo, dos ciclista elite di Aruba lo biaha pa e isla caribense di Martinique unda nan lo competi den e Caribbean Elite Cycling Championship 2017. E caredanan lo wordo teni den e capital Riviere-Salee di dicho isla.

Wendys
WEB
beach tennis
Banco di Caribe

E dos ciclistanan cu a wordo convoca pa representa Aruba na e campeonato aki ta Jerry Agundero y Jean Carlos Ras. Mester bisa cu ambos ciclista ta experencia den caredanan di ruta y algun biaha a representa Aruba riba plataforma internacional. Mester bisa cu e dos seleccionadonan di Aruba a hiba un preparacion debido pa cu e competencia aki. Nan a entrena duro, casi tur dia y pa varios luna, cual ta hasi cu ambos ta cla pa e reto.  ester menciona cu donjo di trabou di ambos ciclista a coopera bon pa asina nan por representa Aruba na Martinique. Na Martinique e miho ciclistanan elite di Caribe lo competi den e di 17 edicion di e Caribbean Elite Cycling Championship 2017. Aruba lo mester bataya contra entre otro ciclistanan di Trinidad and Tobago, Guyana, Us Virgin Island, Barbados, Puerto Rico, Dominica, Santo Domingo, Grenada, St Lucia, Bermuda, Bahamas, Guadelope, Martinique, Antigua nad Barbuda, St.Kitts and Nevis, St. Vincent, Corsow, Cayman Island y Jamaica.

Den pasado Aruba a yega di competi den varios campeonato di Caribe den e disciplina di ciclismo di ruta esaki den junior y elite cu entre otro atletanan manera Cherley van der Linden, Gino Hogde, Jonathan Croes, Orian Thielman y Gabriel Thielman. Un danki sigur na Lotto, e Loteria di Aruba pa medio di Comision di Subsidio cu a subsidia e biahe di nos delegacion di ciclismo di ruta pa e campeonato 17th Caribbean Elite Cycling Championship na Riviere, Martinique. Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Comision di Subsidio.

Comments

comments