Minister Juan David Yrausquin: Tin diferente cos inteligente pa haci

0
494

Juan David Yrausquin, minister di Aruba na Hulanda, a splica cu ta sigui e expresion politico di Aruba na Hulanda. Evelyn Wever-Croes di MEP den formacion di Gobierno, a expresa caba cu Hulanda mester yuda Aruba riba e parti financiero. Tin diferente cos inteligente pa haci. Mientras tanto mester mira si tin algo bon pa presenta manera e ta wordo expresa. Juan David Yrausquin a splica riba e partinan cu no ta realistico.El a splica cu el a sigui e comentarionan di cerca den prensa, mescos cu na Hulanda, tin hende ta sigui locual ta wordo expresa publicamente. Tin cu sali for di punto di bista cu na Hulanda en todo caso, e area cu tin di haber cu relacionnan den reino, e departamento cu ta atende cu esaki, ya caba a sa locual a wordo expresa na Aruba riba esaki. Segun Yrausquin, claro cu por bin Hulanda como un futuro coalicion of gobierno y atende cu e tema of haci pregunta riba si ta posibel pa haci of ricibi fiansanan riba un interes abao, mescos cu Corsou y St. Maarten tin na e momentonan aki. Esey ta algo inteligente sigur pa haci. Sinembargo Yrausquin ta cuestiona si presente na e forma cu e ta wordo presenta, den e sentido cu tur reto riba areanan di finansas lo wordo atendi door di Hulanda of un gran parti di dje. E no ta kere esey ta realistico.

WEB
Wendys
wendys banner
Banco di Caribe

 

Calculacion

A yega di haci calculacionnan di e reduccion di interes cu lo sosode na momento cu haci fiansanan via Hulanda y sigur e reduccionnan ta substancial. Pero e no ta bay mesun lihe manera e ta wordo presenta publicamente. Esey ta un aspecto y di dos lo tin cu wak tambe e condicionnan cu tin pa asina por ricibi e interes abou mescos Corsou cu St Maarten. E dos paisnan aki tin un supervision financiero cu ta permamente. E pregunta e ora ta si coalicion nobo ta dispuesto pa bay di acuerdo cu algo asina. Y tambe e pregunta ta con lihe Hulanda lo ta dispuesto di yega na un acuerdo. Mester tene cuenta cu diferente tema y e pregunta ta tambe pa mira den ki fase ta haci esaki. Si nan logra esaki ta desea e Gobierno nobo di Aruba tur clase di exito. Ademas si mester yuda for di Arubahuis lo haci esaki tambe. A hiba e combersacionnan aki den pasado cu e Gobierno Hulandes. Tin disponibilidad. Sinembargo e pregunta ta un biaha mas, con lihe por haya e reduccion di gastonan manera cu ta wordo premira y tambe kico ta e condicionnan cu ta mara na esaki. Tin cu wak’e den un totalidad na e momentonan aki segun minister Yrausquin na Hulanda.

Comments

comments