Fundacion Pa Nos Muchanan a presenta Workshop titula “Melodia Creativo”

0
54

Creatividad ta un aspecto hopi importante den e trabou como lider di Centro di Cuido di Mucha. Pa e motibo aki, recientemente, 7 di october a ser teni un workshop recreativo basa ariba musica.

Upsize Earn Points and Win
WEB
Banco di Caribe

Esaki a ser presenta pa Michael Lampe, mihor conoci como “Fellow”, y Raquel Lampe. Raquel Lampe ta un docente di musica y Michael ta fundador di e plataforma creativo yama BEAM, como tambe e tin diferente hit bou di nomber di Fellow y Datapanik. Hunto nan a sa di percura pa un mainta yena cu musica, melodia y creatividad. Den e workshop, e lidernan a haya tips, tools y idea con pa incorpora musica den un manera simpel diariamente den nan programa. Tambe nan a haya un splikacion tocante e importancia di esaki pa cu nan grupo meta, cual ta muchanan di 0-12 aña di edad.

E creatividad y talentonan scondi a resalta di e lidernan na momento cu nan a forma nan mesun cantica e mainta aki! FPNM ta sumamente satisfecho con e workshop aki a bai y ta gradici tanto Michael como Raquel y tur lider di Centronan di Cuido cu a participa. Centronan cu a participa ta: CEDES, Pasa dushi pasa pret, Angel Speelschool, E Barco di Noah Speelschool, Hardin di Infancia, Mi Casita Traimerdia y Tante Detta Speelschool. Pa mas informacion tocante nos cursonan por tuma contacto cu nos na 588- 0586/583-4247 of bishita nos Facebook page.

Comments

comments