Diabierna 20 di oktober 2017 Anochi di informacion pa e futuro studiantenan

0
95

Universidad di Aruba ta invita tur studiante di Colegio Arubano, International School of Aruba,avond HAVO/VWO, EPI y di tur esnan cu ta interesa pa inicia un estudio di enseñansa avansa na Aruba, pa asisti na e anochi di informacion cu ta tuma luga Diabierna 20 di oktober di 5:30 pa 9:00 p.m.

Wendys
Banco di Caribe
wendys banner
WEB

Riba e dia aki lo duna informacion di e Facultad di Derecho (Faculteit der Rechtsgeleerdheid – FdR), Facultad Financiero Economico (Financieel Economische Faculteit – FEF), Facultad di Turismo y Maneho (Faculty of Hospitality and Tourism Management Studies – FHTMS) y Facultad di Arte y Ciencia (Faculty of Arts & Science – FAS). Riba e dia aki tur studiante cu ta interesa pa studia na Universidad di Aruba, e proximo aña academico tin oportunidad tambe pa haya informacion general y lo tin oportunidad pa papia cu studiante y docente nan di e facultad nan. Universidad di Aruba tin cuater facultad y ta brinda e  graduadonan di scol secundario y otro interesado e oportunidad pa por aplica y asina sigui un estudio pa obtene un titulo na nivel di ‘Bachelor’ of ‘Master’. Universidad di Aruba ta ofrece e siguiente specialisacionnan: na FEF “Bedrijfseconomie” y “Commerciële Economie”, na FHTMS “International Tourism & Hospitality” y “International Business & Marketing”, na FAS “Social Work & Development” y “Organization, Governance and Management”. Universidad di Aruba tin un bon relacion cu diferente Universidad/Hogeschool Hulandes, Universidad Mericano y cu otro universidad acredita den region. Un di e acuerdo nan mas reciente di Universidad di Aruba ta cu University of South Carolina na Merca caminda e studiante lo por participa den un programa di intercambio, pagando e mesun suma di inscripcion cu tin na Universidad di Aruba.

Como studiante di Universida di Aruba no solamente bo por haci un programa di inrter cambio pero tambe bo por bai haci bo pasantia (stage) afo. Pa esaki tambe nos tin con acuerdo cu Universidad nan di Hulanda y Merca pa yuda supervisa y guia nos studiante nan cu opta pa haci esaki. Esaki ta un muestra di e crecemento di Universidad di Aruba den e ultimo aña nan. E convenionan cu Universidad di Aruba ta cera cu universidad reconoci mundialmente ta na bienestar di tur nos studiantenan.
Bo futuro ta den bo man! Universidad di Aruba kier a invita un y tur cu ta interesa pa pasa e anochi aki pa haya tur informacion necesario pa asina por haci un bon escogencia pa nan futuro. Mayor cu tin yiu na scol secundario tambe ta bon bini pa haya sa mas tocante e estudio cu nan yiu ta desea di haci y asina por yud’e scohe e pakete adecuado na scol secundario. Cu un bon pakete esaki lo facilit’e haya admision na un di e facultadnan mas
lihe. E anochi hopi informacion valioso lo wordo duna y pesey mes ta importante pa atende e anochi aki pa asina por tuma un decision corecto tocante bo futuro!

Programma di e anochi:
Time
17:30-
18:00

Welcome Oportunidad pa cumpra algo na nos bar y cushina. Tur benta di e bar y cushina lo bai pa bek pa yuda nos studiante nan.

18:00– 19:00

Zaal A Presentacion FHTMS Classroom 2 Presentacion FEF (AA opleiding) AULA Academic Foundation Year (aña preparatorio) Classroom 3 Presentacion Social Work & Development 19:30- 20:00 Oportunidad pa papia cu tur docente y studiante nan di e diferente faculdad. 20:00- 21:00 Zaal A Presentacion FdR (derecho) Zaal B Presentacion Double Degree
(Master di Ley) AULA FEF Fauldad di financia, contabilidad y mercadeo Bachelor! Classroom 3
Presentacion FAS-OGM Organization, Governance And management

Di parti studiante nan y staff/ personal di Universidad di Aruba nos kier un biaha mas invita tur
esnan cu lo ta interesa of no sa ainda kico nan kier studia pa bin join nos diabierna 20 oktober
2017 pa asina bo haña tur informacion di kico tur bo por haci aki mes na Aruba! Pa mas
informashon por jama: 526-2200 of manda un email na [email protected]

Comments

comments