Detencion a cay na Aruba: Supuesto Venezolana secuestra y asesina ta bin padilanti y a haci denuncia

0
14084

Larymar Primera tin 23 aña di edad y nan ta yam’e Hillary. El a pasa den un odisea basta pisa. El a splica cu tin hopi storia. Nan a bisa cu nan a mat’e. Nan a pase pa morto hopi dia te ora cu polis a caba cu nan investigacion. Ya tres dia pasa, e persona cu a manda haci’e ta cera. E mesun persona, el a conoce tres aña pasa. E prome dia cu el a yega Aruba, el a yega di vakantie y a bay na cas di su famia. Eynan su prima ta coment’e pakico e no bay traha y pa e no gasta placa.

Upsize Earn Points and Win
WEB
Banco di Caribe

A hib’e Sividivi y e prome dia cu el a yega Aruba, evidentemente el a traha na e luga ya menciona. E persona cu a manda secuestr’e tabata eynan. For di e dia eynan, el a haya rabia riba Primera. E kier a mat’e, e tabata haci su bida imposibel cu su clientenan. E tabata bisa cu e tabata un prostituta, e tabata bisa cu e tabata manda droga. E simplemente a traha cinco dia den Sividivi. E tabata bin tur anochi na cas di su famia yorando. E persona ilegal na Aruba, tabata haci su bida imposibel. Su prima a bisa pa e stop di traha y el a haci’e tambe. Despues su prima a hib’e pa Cas Casuela. El a keda eynan. E mesun muhe a yega eynan y a horta su celular. E hunto cu su ruman muhe y otro hende mas, a hala su cabey. Su hefe y demas persona, a defende Primera. A saca e muhe for di Cas Casuela. Door di miedo Primera a stop di traha eynan. El a bay bek su pais y una bes cu el a bolbe bek Aruba, nan a yame bek pa traha.

Una bes cu el a cuminsa traha bek, e muhe a cuminsa buske pleito bek.

Te ainda Primera no sa kico e por a haci cu e muhe en cuestion a trat’e asina.

 

Ken ta e provocadora

Primera conoce. E muhe yama Luisa Victoria Milan Jimenez y tin 28 aña. E muhe aki a traha den hopi bar na Aruba, pero for di tur nan a core cun’e. E doño di Recuerdos de Ella, na December, a sake na brasa, mirando cu el a halsa su mes cu su hefe. Na Sividivi el a busca varios trabao, pero nan a prohibie entrada. Na Lekker tambe el a causa problema. El a traha na Bar A Bar, tambe el a haya problema. El a golpia hopi hende. E denuncia di Primera no ta unico.

 

Secuestro

E muhe a manda secuestra Primera, viol’e y mand’e 5 tiro den su cara, manda descuartis’e. Esey a pasa na Venezuela. E mester a hiba su yiu muhe na Venezuela, pasobra e tabata na Aruba cun’e. Ora cu el a bay hib’e, el a haya sa cu nan lo bay secuestr’e. Ora cu nan a bay secuestr’e, e por a cuadra cu e secuestradornan y a bisa nan cu e provocadora ta paga nan $200, pero e mes por paga mas cu esey. El a pidi e pruebanan pa asina pone denuncia. Ora cu nan a secuestr’e, el a bay na Interpol di Punto Fijo y a bis’e cu lamentablemente nan no por haci nada, pasobra e muhe ta biba na Aruba. Dus no tabata bale la pena pone e denuncia na Venezuela.

Primera a bin bek Aruba y a pone e denuncia na polis. El a mantene su mes cera 14 dia te ora cu nan por a gara e muhe. Polis a mantene cera pa asina e muhe no haya sa cu e tabata bibo te ora cu e muhe a wordo gara.

 

Potret

E muhe a haya e potret y a pone online. Ora cu e secuestradornan a pase e potret, e muhe mes a pone e potret online y bisa cu un narcotraficante a mate. Tambe el a bisa cu un Chines lo a mate cu supuestamente e tabata sali cun’e, cual no tabata berdad. E muhe a plama e potret pa e no keda culpabel. Primera tin 3 aña na Aruba y e no tin problema cu ningun hende. E muhe mes nan ta caracterisa como un malandra. E muhe ta di Las Piedras y ta pertenece na e banda Los Piedreros. Dos luna pasa un mucha muhe cu tabata traha na Yen Yen, yama como La Titi, y tabata amiga di e provocadora. El a bay aeropuerto y nan a gare eynan y kita tur su placa cu el a traha pe.

Tambe tin un otro caso di un mucha muhe Colombiana, cu tambe nan tabata menase cu morto y el a rasca tur su auto. Riba e dia eynan, Primera tabata firmando e orden di detencion y e mucha muhe Colombiana tabata poniendo e denuncia.

Comments

comments