Departamento di Aduana Aruba su controlnan administrativo despues di importacion tin resultado impactante

0
273

Departamento di Aduana ta informa cu na comienso di aña a cambia e sistema di hasi control. Durante e prome mitar di aña a hasi 2 control grandi. E controlnan administrativo aki ta jama CNI “Controle na Invoer” e controlnan administrativo ta sosode despues cu e mercancia a wordo importa caba.
Proceso di e control administrativo despues di importacion Control administrativo ta constisti door di compara e informacion cu e cliente ta hinka den nos sistema “Asycuda” cu locual e cliente
ta hinka den su mesun administracion. Conforme ley, douane tin e autoridad pa pidi y haña informacion for di e administracion di clientenan.
Na momento cu douane, hasiendo su controlnan, bin constata cu tin fout den calculacion, esaki lo wordo regla door di hasi un correccion den e declaracion. E cliente lo ricibi un cobransa
adicional pa e por paga e diferencia.
Den caso cu durante un control douane constata cu a hasi uso di factura falso y/of a constata cu tin producto cu no a wordo declara na momento di importacion e ora ey e cliente lo wordo persegui penalmente. Esaki ta signifika cu banda di e cobransa adicional di e correccion den e declaracion tambe lo wordo agrega un transaccion den forma di un multa. Den caso cu no paga e multa y e correcion den e declaracion, e caso por bai corte cu tur consecuencianan cu esaki por trece cu ne pa e cliente. E suma di e multa ta keda completamente den man di
Ministerio Publico.
Na comienso di 2017 Departamento di Aduana a cuminsa cu 3 caso (3 diferente cliente). Di cual uno ta completamente kla y e resultado ta lo siguiente:
 Correccion den declaracion di 250.000 florin
 Multa proponi door di Ministerio Publico di casi 1/2 miyon florin
E di 2 y di 3 caso ta bayendo den mesun direccion cu lo trece e mesun consecuencianan cu e prome caso.
E controlnan na Departamento di Aduana lo continua di mesun manera cu a wordo menciona anteriormente.
Dentro di poco otro companianan lo ricibi un anuncio cu nan lo ricibi un bishita di douane pa cu e controlnan aki.
Pa e motibo aki ta hopi importante pa tur companía hasi nan declaracionnan conforme ley usando factura y balornan correcto pa asina nan no haña nan mes cu sorpresa. Pasobra e sorpresa por sali nan hopi caro.

Comments

Upsize Earn Points and Win
WEB
Banco di Caribe

comments