Buscando normanan di cooperacion lo ta mas beneficioso pa Aruba compara cu pasado

0
92

Minister Juan David ‎Yrausquin na Hulanda tabata presente den Parlamento Hulandes. Eynan tabata tin reunion andando relaciona cu acuerdo di gobernacion. Ya caba a mira cu tin un man di cooperacion cu ta wordo saca for di e expresion despues di e acuerdo di gobernacion. Minister Juan David Yrausquin ta splica mas.E siman aki e cuatro partidonan cu a bay eleccion na Maart/April ultimo na Hulanda, a yega na un acuerdo di gobernacion pa e periodo 2017 pa 2021. Esaki ta partidonan VVD, CDA, D66 y ChristenUnie. Na e momento aki tin un debate den Parlamento Hulandes riba e acuerdo di Gobernacion aki. Pa Aruba e acuerdo di gobernacion aki ta hopi importante pasobra tambe tin palabracionnan haci pa loke ta trata relacionnan den reino y ta sumamente contento cu e palabracionnan cu a wordo haci pasobra e ta un mehoracion substancial compara cu e acuerdo di Gobernacion di 4 aña pasa, unda cu e dos partidonan tabata VVD y PvdA. E tempo ey ta dos zin, dos sentencia tabata tin hinca aden. Uno cu ta bisa cu e supervision financiero ta keda manteni y cu imigrantenan di areanan Caribense den Reino ta wordo trata den un manera menos faborabel cu tabata sosode anteriormente. Awor aki ta wak palabranan manera un cooperacion constructivo, ta wak cu ta menciona e historia comun. Bo ta wak tambe cu ta bay busca normanan di cooperacion cu lo ta hopi mas beneficioso pa pais Aruba cu e tabata den pasado.

Wendys
Banco di Caribe
wendys banner
WEB

Tin un man ta wordo saca den e acuerdo di gobernacion aki pa Aruba, Corsou, St. Maarten, areanan Caribense di Reino y ta na nos awor aki como paisnan, como politiconan pa duna e man aki cu ta wordo saca haci bon uzo di dje.

 

Minister Juan David Yrausquin a splica cu tin e partidonan awo den gobernacion cu ta mira y tin vision diferente riba e relacion den reino. Partido ruman di AVP, esta CDA, ta den e coalicion aki. Sa cu e partido aki tin un vision totalmente diferente riba reino cu e partido mas grandi tambe den e coalicion aki, esta VVD. Si mira por ehempel e programa di e diferente partidonan aki, por mira cu e partido VVD, cu nan kier independencia di e partinan Caribense den Reino. Nan lo kier kibra e lasonan, mientras cu CDA ta reconoce un totalmente diferente futuro pa e partinan Caribense den reino, unda cu nos ta sigui di ta parti di e futuro aki. No solamente CdA, pero ChristenUnie, cu tambe ta un otro partido cu ta parti di e coalicion aki. Tin un vision totalmente diferente y tambe e partido D66. Tur e partidonan aki, prome minister Mike Eman, lider di AVP a reuni cu nan tambe na Maart. Tambe a papia riba e lasonan den reino. Na e momento ey caba a purba di influencia e acuerdo di gobernacion. Pesey mes ta contento cu no solamente e lasonan di awo, pero tambe di hopi tempo cu tabata tin cu e partidonan aki. A resulta tambe den un acuerdo cu ta na beneficio di reino di e parti Caribense y un biaha mas. Ta spera cu e bon uzo ta wordo haci di esaki den e añanan nos dilanti.

 

Formamento di coalicion

E forma di formamento di coalicion, ta un tema cu ta importante, mirando cu awor aki tin partidonan cu ta purbando di yega na un acuerdo y forma un coalicion. E proceso di formacion di Gobierno a cuminsa inmediatamente despues di eleccion na Hulanda segun minister Juan David Yrausquin. Tres diferente formador tabata parti di e proceso di e gobernacion nobo pa purba di busca unda cu tin acuerdonan posibel entre partidonan cu tin ideanan totalmente diferente riba futuro. Diferente ideologia, pero na final di dia por a mira cu tin un acuerdo hopi extenso, pero cu ta bay nifica un mehoracion pa e pais y pa diferente persona den e pais, cual segun Yrausquin, na Aruba nos mester por siña di e proceso cu a tuma luga na Hulanda. E proceso aki berdad a tarda hopi. Esey ta algo cu tin biaha no tin grip riba dje. Pero di un otro banda por mira un acuerdo den cual awor aki e partidonan y e ministernan sa kico nan tin cu haci pa e proximo cuater añanan y cu ta cuadra. E parti economico ta cuadra, e parti financiero ta cuadra, pero tambe e mehoracion pa enseñansa, mehoracion pa cuido medico. Diferente areanan cu e diferente partidonan cu a bay eleccion cun’e, por mira claramente cu tin mehoracionnan cu a wordo palabra den e acuerdo di gobernacion.

Comments

comments