Quota International Aruba lo bay tene su proximo seminario dia 25 di November

0
112

Quota International Aruba, manera cu hopi hende sa caba ta un club di servicio cu ta traha pa yuda hende cu problema di oido y pa yuda hende muhe y muchanan cu menos recurso. Tur placa cu Quota International recauda, semper ta wordo duna bek den comunidad. Segun presidente di e club, Laurel Romijn-Pope, e aña aki Quota International ta celebrando 30 aña di existencia. Nan tin diferente actividad y evento organisa pa nos comunidad. Un di e eventonan ta nan seminario cu lo tuma luga dia 25 di November venidero. E seminario aki ta e di 29 seminario organisa pa Quota International Aruba. Quota Club a prepara algo special e biaha aki, pues mester atende pa experencia locual cu a bin ta prepara pa tur hende. Ta gradici tur sponsor, tambe na prensa, semper cu ta yuda Quota International Aruba y tambe danki pa e oportunidad pa por presenta e seminario venidero.

WEB
wendys banner
Wendys
Banco di Caribe

Nancy Djuhari y e aña aki e ta e chairperson di e seminario. E aña aki, Quota International Aruba, ta organisa e di 29 seminario, manera ya menciona y aunke tin hopi organisacion cu ta host un seminario, Quota mag di ta hopi orguyoso pa haci esaki tur aña.

E aña aki a dicidi riba un Health & Wellness Seminar y e titulo di e seminario ta bay ta “In persuade of a balanced life”. Lo bay tin dos orador e aña aki, uno for di Chicago, kende ta un dietista certifica, un yoga instructor, superfood chef y un mindfull living expert. E di dos orador ta un persona local, kende ta un Expert Life Coach. E evento lo tuma luga dia 25 di November na Hilton Aruba Caribbean Resort. E ta bay ta for di 9’or y mey di mainta pa 2’or di merdia. Carchi ta obtenibel cerca tur miembro di Quota pa 95 florin. E evento ta inclui un coffeebreak y un plated lunch.

Vivian Wever ta board di Quota y ademas ta miembro tambe di e seminar committee. Ta haci un invitacion cordial na tur persona cu ta interesa den e topico di Health & Wellness pa nan atende. Ta un topico cu a scoge a base di peticion cu a haya door di e aña di atendencia di e seminarionan. Nan ta bay hopi riba e sector di salubridad y bienestar. Hopi hende ta interesa den e topico eynan.

Tambe kier a haci algo special e aña aki y kier a haci un setup tambe di mesa rondo, unda cu tur persona cu atende lo haya un lunch tambe sirbi na mesa pa nan. E ta inclui den e prijs. Ta leuk pa nan bin cu nan amiganan y sinta na mesa. E ta algo gezellig tambe y bo ta haya bo lunch y bo coffeebreak ta inclui den e prijs. Bin hunto cu bo amistadnan. E ta algo interesante y bo por siña algo di dje. Wever kier a reitera cu e ta hopi importante pa pensa cu hopi organisacion ta organisa seminario, pero Quota tin’e 29 aña consecutivo sin faya. Ta algo interesante y di aplaudi, pasobra e no ta facil pa organisa un seminario. Pesey aunke cu nan tin varios sponsor, pero si cualkier compania of persona kier contribui cu un sponsorship, por tuma contacto cu cualkier miembro di Quota Club y esey ta algo di aprecia. E seminario no ta pa gana placa, sino ta pa break even. Ta haci’e pa comunidad. Tur hende ta wordo invita pa bin.

Comments

comments