Dos herido den accidente pisa na Bushiri

0
1428

Diaranson alrededor di 10:00am a sosode un accidente basta pisa poco panort di Fantastic Garden na Bushiri. Mesora a despacha patruya di Noord y di Playa pa brinda asistencia na e accidente aki.

Upsize Earn Points and Win
WEB
Banco di Caribe

Na yegada di e prome patruya a constata cu e accidente ta semi frontal y cu tabatin hende pega den e autonan, pa cual mesora a solicita presencia di “Materialenwagen” di Brandweer pa saca e dos personanan pega den e dos autonan. Tambe a pidi pa presencia urgente di ambulance pa brinda asistencia medico. Na e sitio testigonan a conta cu probablemente e auto marca Nissan modelo Tida color bruin numera A-10020 biniendo for di noord a perde control den e birada skerpi, cu consecuencia cu el a bay den su banda robes y a dal semi frontal contra e auto marca KIA modelo Picanto color bruin numera A-30549. Consecuentemente ambos chauffeur a resulta herida. Personal di Brandweer y Ambulance a trata e dos heridonan y despues a transporta nan pa Hospital pa mas tratamento medico, observacion y pa haci testnan necesario. E daño material tabata considerabel.

Comments

comments