Muhe a wordo tira mata door di polis na Miami Beach

0
1684

Den e curason di e districto di entretenimento di South Beach, un muhe a wordo tira mata pa un polis despues cu esaki a causa un accidente y a benta un polis abao cu su auto  diadomingo atardi. Esaki a sosode durante e fin di siman druk di vakantie na Miami Beach, mientras cu hendenan tabata come pafo di e cafenan y bishitantenan di beach tabata sacudi e santo for di nan curpa.

Upsize Earn Points and Win
WEB
Banco di Caribe

Pa varios ora, algun di e cayanan di Washington Avenue a wordo seya pa e tape geel mientras cu polis tabata investiga. Hefe di Polis Daniel Oates, a tene un conferencia dip rensa, despues cu e polis a tira e muhe mata, di cual polis ta bisa, a causa por lo menos un accidente y a benta un polis abao na Miami Beach. Oates a bisa cu e incidente a cuminsa pa mas of menos 6'or y 15 di atardi, ora cu un muhe coriendo un BMW preto riba 12 th Street a dal un Mercedes cu dos hende homber den dje, riba Collins Avenue,
despues di a pasa den luz cora. Un polis, kende tabata na pia, debi cu e tabata parti di patruya adicional pa e fin di siman, a purba di stop'e, pero esaki a hisa su velocidad y a dal'e, bentand'e abao, Oates a bisa. Un otro polis a cuminsa tira. E chauffeur a perde control y despues a dal den un SUV staciona den e skina oost di 12 th Street y Washington Avenue. Oates a bisa “un of mas round” a alcansa e muhe, kende despues a fayece den Jackson Memorial Hospital. Segun e polisa di polis di Miami Beach, detectivenan
di Miami-Dade ta investigando e tiroteo envolviendo e polis. Mas despues, polis di Miami-Dade a bisa cu tabata tin un pasahero den e BMW cu a wordo interoga.Polis di Miami Beach ta investigando e accidente cu a tuma luga. E polis cu a wordo gedal, a sufri golpi na su curpa y a perde conocemento, di acuerdo cu brandweer di Miami Beach.

E ta den condicion
stabil y alerta durante diadomingo, Oates a bisa.Turistanan cu tabata comiendo a bisa cu tur cos a cuminsa cu un accidente inicial riba Ocean Drive, apesar cu polis no a confirma ainda e prome dalmento. Oates a bisa cu nan ta investigando. Shay Davis y Monique Teller, kendenan ta bishitando for di Philadelphia, a bisa cu nan tabata comiendo den e patio pafo di Sugar Factory riba Ocean Drive, ora cu nan a scucha un zonido duro. Nan a describi mirando un auto ta dal den e parti patras di un truck cu a stop pa trafico. “Mi no sa kico e tabata purba di haci, pero el a djis laga e luga,” Davis a bisa. Testigonan a bisa cu e chauffeur femenino a reverse y a purba di bay, apesar cu peatonnan tabata grita pa e para. Testigonan tambe a bisa cu polis a purba di sak'e for di e auto. Miguel Garcia, un turista for di Chile, a bisa cu e tabata biniendo for di beach, ora cu el a mira e accidente. Garcia a bisa cu e y varios otro a sigui e chauffeur femenino na pia mientras cu e tabata coriendo bay. “Nunca mi a pensa cu mi lo a bay mira tiro den e parti di e ciudad aki,” Garcia a bisa, agregando cu e
muhe despues a perde control riba e auto y a dal un vehiculo adicional, riba e skina di 12 th Street y Washington Avenue.

Garcia a bisa cu e muhe a wordo saca for di e auto – sin ta hala rosea – y tabata tin sanger tur caminda. Camindanan a keda cera cerca di Collins Avenue y Washington Avenue, for di 11 th pa 13 th Street mas laat durant diadomingo. Bishitantenan a wordo bisa cu por bay dura varios ora prome cu nan por yega na nan auto cu tabata staciona riba e caya.

Comments

comments