Evelyn Wever-Croes: Ainda e fase di informacion no a caba

0
459

Evelyn Wever-Croes, lider di MEP tabata na oficina di Gobernador di Aruba. El a splica cu el a haya un invitacion pa bay combersa cu Gobernador pa asina nan haya un bista di e trabaonan cu informador Arie Swaen a haci den e ultimo siman.

wendys banner
Banco di Caribe
Wendys
WEB

El a haya mas bien un reportahe di e conclusionnan di informador di su combersacionnan. Gobernador ta bay ta combersando tambe cu e demas partidonan cu ta envolvi y pa despues e finalisa e ronde aki di informacion, cu eigenlijk ainda oficialmente ta andando, pa despues bay pa e siguiente ronde. No tin nombracion ainda Awor aki nan no ta den e fase di formacion. Ainda nan ta den e fase di informacion, caminda cu Gobernador tin cu duna e reportahe final di su conclusionnan. Por bisa cu te cu awor aki e conclusion ta cu e tres partidonan cu a duna indicacion di por traha riba un base amplio, keto bay ta esey ta e direccion cu ta bayendo, esta MEP, POR y RED. Wever-Croes ta gradici sr. Arie Swaen pa e trabao tremendo cu el a haci di informador y tambe secretaria, sra. Hellen van der Wal. Nan a tuma tur nan tempo y pasenshi. Nan a haya basta informacion caba y pa despues entrega na gobernador. A base di esey Gobernador ta kere cu e direccion pa bay, ta bay ta MEP, POR y RED, un base amplio. Awo ta na e partidonan pa yega na otro, despues cu drenta den e fase di formacion, riba un acuerdo di Gobernacion y despues eventualmente na reparticion di cartera. Awo ta den fase di informacion y ta importante pa henter Aruba sa con e proceso ta canando pa duna transparencia.

Den curso di e siman aki pronto, e fase aki ta wordo finalisa y e ora ta bay over na e fase di formacion, caminda cu un formador ta wordo nombra, unda cu tin cu bay mas den detaye pa loke ta e acuerdo di Gobernacion prome, despues reparticion di cartera.

Tumando tempo
Segun Wever-Croes, esaki ta un proceso serio y tin cu tume cu hopi responsabilidad y trankilidad. No mester laga nada ansha hende. Ademas tin cu tene cuenta cu tin tres siman ainda cu no ta bay tin un Parlamento nobo. Ta diabierna awo, na aki dos siman, pa tin un Parlamento nobo. Ni cu keda cla mañan mes, no por tin un gobierno. Tin cu warda e parlamento nobo sinta, e ora e Parlamento nobo ta bay nombra e Gobierno nobo cu ta bay tin. De por si, tin e tres simannan aki. No tin ningun manera pa haci esaki menos. Por ehempel cu si keda cla mañan mes, cu un acuerdo di Gobernacion, reparticion di cartera, bay Parlamento, e ora bo tin keto bay e 12 parlamentarionan di AVP, cu tin e mayoria ainda, te
dia 27 di October, ora cu e Parlamento nobo sinta. Esey no ta bay funciona. Pesey mester tuma tempo. E proceso tin su duracion. Tin retonan nobo cu a bin dilanti y ta cosnan cu awor aki no por haci mucho cu nan, ni cu keda cla mañan mes. Ta un proceso cu ta tumando cu tur trankilidad. Ley di LAFT Un di e prome cosnan pa e Gobierno haci ta pa atende e ley di LAFT cu Hulanda. Loke a haci si, ta inoficialmente, naturalmente tene contacto. Tabata tin reunion cu CAFT siman pasa. Como partido a reuni cu nan separa y tambe den Parlamento. A splica nan cu en todo caso si logra drenta gobierno, pasobra un biaha mas, no ta asina leu ainda, pero esey ta loke cu ta haciendo. Si nan ta den Gobierno nan kier cumpli cu tur e palabracionnan financiero cu tin. No ta cuestion di bisa cu no ta bay cumpli. Pero mirando e situacion cu nan ta aden awor aki, e ta bira un poco dificil pa yega drenta y cumpli di
biaha. Den esey ta pidi un poco pasenshi, un poco liniency di parti di CFT tambe pa esaki. Nan ta compronde e situacion cu nan ta haya nan aden awor aki y ta sigur cu nan lo por yega na
palabracionnan al respecto.

Afspraak cu POR y RED
Evelyn Wever-Croes a splica cu e tin contacto cu sr. Ricardo Croes y sr. Otmar Oduber. Manera cu a bisa na mas di un ocasion, ta wardando e fase di informacion finalisa, pa e ora drenta den e siguiente fase cu ta formacion, pa bay sinta mas concretamente cu otro, pa negosha y yega na un acuerdo di Gobernacion prome y despues di esey un reparticion di cartera. E ora eynan por bisa cu tin un Gobierno.

Comments

comments