Polis Maritimo a persigui botonan Venezolano piscando

0
1104

Pa 10’or y 20 di diadomingo mainta, polis maritimo ta haya melding di kuststation cu algun piscado local ta piscando ongeveer 9 miles pazuid di Aruba y ta mira algun boto Venezolano ta piscando y tira palamber den nos awa teritorial. Maritiem polis a cuminsa prepara y a yama RCC Curacao pa controla via radar si e botonan aki ta den nos awa y si por guia Maritiem polis na e posicion. RCC a controla y a resulta cu net e botonan a cuminsa move bay bek zuid pa drenta awanan di Venezuela. A keda monitor nan movecion. Pa mas of menos 11:30 RCC a meld bek na Maritiem polis cu actualmente nan ta waak e botonan ta bolbe bek den nos awanan di Aruba direccion e posicionnan cu probablemente a tira e palambernan. Maritiem a sali mesora y RCC a guianan direccion e contactnan. Yegando cerca Maritiem a constata hopi boei ta drief y tur tin otro color y bandera. Tabata tin 2 boto Venezolano na e sitio. Ora nan a waak boto di polis nan a bay full speed zuid direccion awanan di Venezuela. Maritiem a persigui tur 2 boto duna na signal pa para pero e botonan aki no ta para ni sigui ordo di polis. Den 1 boto maritiem a waak 4 persona. Nan taabata busca obheto duro y te hasta 1 a coy cuchui pa prepara pa e polisnan ora di aborda e boto. Dsp di algun minuut di persecucion RCC ta meld Maritiem polis cu nan ta bay drenta awa di Venezuela. Na un distancia Maritiem polis tambe a waak guarda costa Venezolano ta bin direccion e boto di polis. Door cu e botonan aki a logra drenta awa di Venezuela no por a sigui persigui nan. Maritiem a bira bek y bay direccion e palambernan den nos awa. Door cu ningun boto Venezolano kier a para responsabel pa e piscamento ilegal den nos awa maritiem a saca tur e palambernan di lama. Di 11:45 te 16:00 personal di Maritiem polis a keda saca liña y boei di awa. A coy total mas di 30 boei cu liña y algun mester a corta.

WEB
Wendys
Banco di Caribe
wendys banner

Comments

comments