Pickup ta baha caminda y dal den mata di Kwihi

0
1101

Algo pasa di 2’or di madruga, patruya di Playa a ser dirigi riba e caminda di Fantastic Garden na Bushiri, un poco mas panort den e birada, unda lo tin un pickup cu lo a dal den un mata di Kwihi. Mesora patruya a dirigi su mes na e sitio menciona y na nan yegada en berdad a bin topa cu un Toyota Hilux pickup color blanco numera A-15091. Ora polis a bay check kico exactamente a sosode, e chauffeur ta conta polis cu e tabata bayendo su cas ora cu na dado momento den e birada, un otro auto cu tabata biniendo for di nort, lo tabata coriendo riba bright y cu consecuencia cu el a stroba e pickup di sigui su caminda. Pa ora cu e chauffeur a reacciona riba stuur ya tabata laat caba. El a bay pega bou di un mata di kwihi. Afortunadamente no tabata tin herido. Daño material ta basta grandi, polis a tuma datonan di e auto y despues a busca takelwagen pa asina kita e auto for di riba caminda.

Comments

Upsize Earn Points and Win
WEB
Banco di Caribe

comments