A crea Scol Basico Dornasol specialmente pa muchanan cu comportacion special

0
322

Scol Basico Dornasol a habri su porta recientemente. Minister di Enseñansa, Michelle Hooyboer-Winklaar a bishita e scol pa asina combersa cu e director, maestronan y studiantenan. E scol aki ta un cluster 4 y esaki ta nifica cu e parti academico, e parti curiculo, lo ta mescos manera otro scol basico na Aruba.

Wendys
WEB
wendys banner
Banco di Caribe

Tin hopi aspecto special cu ta cater specificamente na e conducta di e muchanan cu ta na e scol aki.  E muchanan cu ta na e scol aki a bin di for di e centro di observacion MDC. Na un momento e muchanan aki a keda señala cu nan no lo por sigui gewoon un trayectorio normal na scol regular. Asina aki Minister di Enseñansa a crea e opcion di un centro di observacion cu ta duna nan e enseñansa y e guia y despues di esey pa mira precies unda nan mester ta den enseñansa. Hopi biaha den pasado prome cu tabatin e centro di observacion, y prome cu cluster 4 tabata existi, muchanan cu tin un of otro problema cu conducta, problema social, emocional, aunke tabatin e inteligencia pa sigui un scol regular lo a keda manda pa un scol special. Esey ta algo cu a tuma luga pa añanan.  "Na momento cu nos por a diversifica e opcionan disponibel pa nos studiantenan cu por enfrenta diferente reto den nan trayectoria di Enseñansa, nos a realisa kiko realmente esaki ta nifica pa e studiantenan aki." Minister Hooyboer-Winklaar a splica.

Asina aki a cuminsa cu e centro di observacion cluster 4 y den dje tin kleuter scol 1 y 2 klas. Aki a crea e opcion pa sigui cu esaki den cluster 4 cual ta klasnan 2 y 3 pero eventualmente lo sigui te cu 6de klas.  Pa Minister Hooyboer-Winklaar tabata hopi importante pa crea e opcion aki, y pa sigui  desaroya e scol. Tin diferente material cu ta yegando cu lo ta necesario pa e Cluster 4.  Ta mira cu esakinan ta studiantenan cu lo sigui scolnan secundario y lo por bay “hoge onderwijs, segun Minister Hooyboer-Winklaar. Tur cos eynan ta disponibel, unda tin opcionnan pa motibo cu ta saca e muchanan di e situacion cu nan ta. A percura pa duna e muchanan e guia y therapie pa por tambe crea e oportunidadnan cu nan merece, aunke cu awo nan ta den un situacion cu nan mester di algo extra cual kisas otro scolnan no por duna nan. “Nos ta hopi contento di por mira e scol aki nace cu sigur lo aporta bek na Aruba algo cu ta hopi importante pa nos studiantenan, pa e mayornan tambe”, asina Minister Hooyboer-Winklaar a duna di conoce.

Comments

comments