Menasanan skirbi riba caminda a causa disgusto den Alto Vista

0
6028

Riba e caminda net panort di Motin (Central Bar) na Alto Vista, por a ripara algun palabra masha menasante skirbi, cu sigur a causa consternacion cerca esnan cu tin custumber di transita e caminda aki. Apesar cu no tin ningun cas den e vecindario, toch esaki a yama atencion cu a pidi asistencia di polis, pa asina nan por tira un bista. Apesar cu segun Vocero policial, cu e menasanan aki no ta relevante, toch por a mira cu polis tabata haciendo nan trabao investigativo riba esaki, pasobra apesar cu esaki a wordo skirbi riba caminda, e por ta un mal joke, pero toch, el a wordo tuma na serio. Tur caso di menasa ta uno serio y Cuerpo Tecnico a presenta. Segun Lacle, e grafittinan aki lo wordo removi, den oranan tempran di mainta pa DOW. E por ta trata di un mal wega haci pa muchanan baldadi den vecindario, pero di un otro banda, e por ta trata di hendenan sin escrupulo cu kier fomenta panico cerca e habitantenan den e bario. Kico e ta, no ta conoci, pero toch, palabranan di menasa, ta keda di menasa, pa con “inocente” e por aparenta.

wendys banner
WEB
Wendys
Banco di Caribe

Comments

comments