Bunita ceremonia di apertura di e Weganan Suramericano Hubenil SANTIAGO 2017

0
27

Diabierna anochi den e Estadio Nacional Julio Martinez, e di dos edicion di e Weganan
Suramericano Hubenil a keda oficialmente inaugura na e ciudad di Santiago capital di
Chile.

Banco di Caribe
WEB
Wendys
wendys banner

Mas cu 10.000 espectador a presencia un bunita ceremonia cu a wordo brinda
na e demas atleta, invitado y bishitantenan den e stadion nacional. Mester bisa cu a
pasa e historia di Chile unda a ilustra e cultura di e pais cu Santiago como e ciudad di
mas grandi di e pais chileno. Un total di casi 1500 atletanan hoben considera como
prospectonan grandi den deporte, procedente di 14 pais di e continente America lo
competi den 20 disciplinanan deportivo durante e proximo 12 dianan di competencia.
Entre e paisnan participante mas cu claro, nos dushi isla di Aruba, cu ta presente cu un
delegacion di 11 atleta den 5 disciplina di deporte. E delegacion di Aruba a desfila cu
padilanti e abanderado e hoben prospecto den e deporte di combate, Chiara Petrocchi.
E ex-tenista profesional y heroe di Chile, Nicolas Massu a haya e honor pa cende e
pebetero cu e candela Olimpico
Notable ta cu mirando e Weganan Olimpico Hubenil Buenos Aires 2018 celebra otro
aña na Argentina, mayoria pais a opta pa bini cu nan miho atletanan na e weganan na
Chile cu miras pa e proximo aña. Mester bisa cu pa nos delegacion hubenil esaki tabata
nan prome experencia bou di e capa di Comite Olimpico Arubano unda nan a participa
na un desfile di e magnitud aki. Por a nota e sonrisa grandi riba cara di cada un di nos
muchanan cu a disfruta di un espectaculo unico, unda nan a baila y saluda e publico
presente durante di henter e desfile pa asina demostra cu apesar Aruba tin un
delegacion chikito, tur hende lo keda corda riba Aruba. Asina tambe e “2do Juegos de
la Juventud Santiago 2017” a keda oficialmente inaugura.

Comments

comments